थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

‘कानून बनाईबेर यथेष्ट परामर्श आवश्यक’

पहुरा | २२ पुष २०७९, शुक्रबार
‘कानून बनाईबेर यथेष्ट परामर्श आवश्यक’

पहुरा समाचारदाता
धनगढी,२२ पुस ।
बनल कार्यान्वयन नइहुके ढेर आलोचना हुइटी रहल ओरसे आवसे बन्ना हरेक कानून बनाईबेर यथेष्ट परामर्श आवश्यक रहल सुदूरपश्चिम प्रदेशके मुख्यमन्त्री तथा मन्त्रीपरिषद कार्यालयके सचिव गंगाबहादुर खरेल बटैले बटै ।

राष्ट्रिय मानव अधिकार आयोग सुदूरपश्चिम प्रदेश कार्यालयसे विफेक रोज धनगढीमे आयोजना करल एक कार्यक्रममे उहाँ उ बाट बत्वाइल रहिट । उहाँ कहलै, ‘संविधान तह बनल कानून कुहीहे विभेद नइकरलसेफे कानून कार्यान्वयन करुइया विभेद करठै । अब्बे संघ, प्रदेश ओ स्थानीयतह से कानून बनाजाइठ । एक दुसरसे बझना मेरिक कानून बनाइ नइपरठ । ओ आबसे बन्ना कानूनबारे यथेष्ट परामर्श कैना आवश्यक बा ।’

प्रदेश सरकारसे घाहिल, अपाङता रहल व्यक्तिहुकनके लाग कार्यविधि नन्ना तयारी करल उहाँ बटैलै । कार्यक्रममे सचिव खरेल सुदूरपश्चिम प्रदेश सरकारसे कार्ययोजनाके कार्यान्वयनमे खेलल भुमिकाबारे प्रस्तुतीकरण करल रहिट ।
आन्तरिक मामिला तथा कानून मन्त्रालयके उपसचिव विश्वदिप ब्रेसा प्रदेश सरकारसे १४६ ठो कार्य करटी आइल बटैलै । प्रदेश सरकार पाँच बर्षे कार्यकालमे ४३ ठो कानून बनाइल मने कुछ कानून कार्यान्वयन नइहुइल उहाँ बटैलै । उहाँ कहलै, कानून बनाईबेर गम्भीरता पूर्वक लेहे परठ । आवसे बनैना कानून यथेष्ट परामर्श विना पास नइहुइना निर्देशन हुइल बा ।’ प्रदेश सरकारसे सक्कु क्षेत्रहे समेटके लैगिल कहटी थारु समुदायके वडघरहुकनके लाग क्षमता अभिवृद्धिके लागफे बजेट विनियोजन हुइल बटैलै ।

कार्यक्रममे अन्तर्राष्ट्रिय सन्धी अनुगमन महाशाखा प्रमुख मोहनदेव जोशी, वार कैलालीके अध्यक्ष सिद्धराज ओझा, डब्लुएचआरके जिल्ला अध्यक्ष भगवती हमाल, डिडब्लुआरएफके कार्यक्रम संयोजक विमला कडायत, नेफीन प्रदेश अध्यक्ष दलबहादुर घर्तीमगर, प्रदेश प्रहरी कार्यालयके डिएसपी भरतबहादुर चौधरी, राष्ट्रिय अपाङगता महासंघ प्रदेश अध्यक्ष मानबहादुर साउद, द्वन्दपीडित साझा चौतरीके संयोजक गणेश बहादुर मल्ल, अधिवक्ता पुष्प विक्रम शाही, इन्सेकके प्रलेख अधिकृत कृष्ण विक, सिविनके हरिलाल चौधरी, शान्ति पुनस्र्थापना गृहके कैलाशो राना, गैसस महासंघ प्रदेश सचिव लोकमान धामी, भौतिक पूर्वाधार विकास मन्त्रालयके कानून अधिकृत उत्तम गौतम लगायतके मानव अधिकारके अवस्था ओ सरकारके भुमिकाबारे अपन बाट राखल रहिट ।

राष्ट्रिय मानव अधिकार आयोग सुदूरपश्चिम प्रदेश कार्यालयके प्रमुख हरिप्रसाद ज्ञवालीके अध्यक्षतामे हुइल कार्यक्रमके संचालन आयोगके अधिकृत गणेश जोशी करले रहिट ।

जनाअवजको टिप्पणीहरू