थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

भागवत सप्ताह महायज्ञ सुरु

पहुरा | २३ पुष २०७९, शनिबार
भागवत सप्ताह महायज्ञ सुरु

पहुरा समाचारदाता
हसुलिया, २३ पुस ।
कैलालीके कैलारी गाउँपालिका–७ भुइयाफाँटामे शनिच्चरके रोजसे श्रीमदभागवत सप्ताह ज्ञान धन धान्याञ्चल महायज्ञ सुरु हुइल बा ।

नेपाल मानव धर्म सेवा समिति हङ्स ज्ञान् मन्दिर शाखा कार्यालय कैलारी–७ भुइँयाफाटाके आयोजनामे सुरु हुइल महायज्ञके उदघाटन कार्यक्रमके वडका पहुना रहल कैलारी गाउँपालिकाके अध्यक्ष राजसमझ चौधरी करले रहिट । उदघाटन कार्यक्रममे उहाँ नेपाल धर्म निरपेक्षता राष्ट्र घोषणा हुसेकल ओरसे सक्कु धर्मके कदर कैना आवश्यक रहल बटैलै । पाँच बर्षे कार्यकालमे नेपाल मानव धर्म सेवा समिति हङ्स ज्ञान् मन्दिरके यी शाखाके अइना बजेटमे समन्वय कैना अध्यक्ष बटैलै ।

कार्यक्रमके विशिष्ट पहुना कैलारी गाउँपालिकाके प्रवक्ता तथा वडा नम्बर ७ के अध्यक्ष दिपेन्द्रबहादुर बम रहिट । महायज्ञ उदघाटन कार्यक्रम क्षेमा बाइजीके अध्यक्षतामे हुइल रहे ।

कार्यक्रममे कैलारी–७ के वडा सदस्य टुनीराम चौधरी, कार्यपालिका सदस्य सुन्दरी चौधरी, दलित महिला सदस्य आरती विक, सांगतिक टोली, स्थानीय भक्तजन ओ नेपाल मानव धर्म सेवा समिति हङ्स ज्ञान् मन्दिरके टमान शाखासे भक्तजनहुकनके सहभागिता रहे । मन्दिरके भौतिक सरचना निर्माणके लाग महायज्ञ सुरु करल हो । यी महायज्ञ नौ दिनसम चल्न बा ।

जनाअवजको टिप्पणीहरू