थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

महिला उद्यमी संजाल ओ कृषक संजालहे सामाग्री हस्तान्तरण

पहुरा | ५ माघ २०७९, बिहीबार
महिला उद्यमी संजाल ओ कृषक संजालहे सामाग्री हस्तान्तरण

पहुरा समाचारदाता
हसुलिया, ५ माघ ।
दिगो विकास समाज भजनीसे महिला उद्यमी संजाल ओ कृषक संजालहे सामाग्री हस्तान्तरण करले बा ।

कैलारी गाउँपालिकाके समन्वयमे दिगो विकास समाज भजनी ओ वल्र्ड भिजन इन्टरनेशल नेपालके आर्थिक सहयोगमे संचालित ‘महिला र प्रवासीबाट फर्किएकाहरुको आर्थिक पुनस्र्थापना परियोजना’ अन्र्तगत कैलारी महिला उद्यमी संजाल ओ कृषि व्यावसयिक सेवा प्रदायक संजालहे कार्यालय संचालनमे आवश्यक पर्ना सामाग्री हस्तान्तरण कैगिल हो ।

गाउँपापलिका उपाध्यक्ष भगवतीकुमारी चौधरीके वडका पहुनामे हुइल एक कार्यक्रमके विच ४३ हजार ७६८ रुप्या ७५ पैसा बराबरके सामाग्री हस्तान्तरण करल रहिट । दिगो विकास समाज भजनी ओ वल्र्ड भिजन इन्टरनेशल नेपालके आर्थिक सहयोगमे प्रदान करल उ सामाग्री कैलारी महिला उद्यमी संजालके अध्यक्ष चम्पा बोहराहे वडका पहुना गाउँपालिका उपाध्यक्ष करल रहिट ।

कार्यक्रममे बोल्टी वडका पहुना गाउँपालिका उपाध्यक्ष कैलारी महिला उद्यमी संजालमे जोरल महिला डिडीबहिनीया आ अपन उद्यम संचालन करके आत्मनिर्भर बन्टी गैल बटैली । महिला उद्यमीहुक्रे डोना टेपरी, होजियारी, व्याग बनैना, नास्टा पसल संचालनलगायत टमान मेरिक छोट उद्योग संचालन करल बटैली । उहाँ कहली, गाउँपालिकासे महिला उद्यमी ओ कृषक संजालके लाग टमान मेरिक तालिम संचालन करले बा । अइना दिनमे उहाँहुकनहे आत्मनिर्भर बनैटी आर्थिक स्रोत बृद्धि कैना कार्यक्रम संचालनफे गाउँपालिका उपाध्यक्ष बटैली ।

दिगो विकास समाज भजनी ओ वल्र्ड भिजन इन्टरनेशल नेपालके आर्थिक सहयोगमे प्रदान करल सामाग्रीमे दराज, टेबुल एक÷एक ठो, प्लाष्टिक कुर्सी २५ ठो, पानी पिना बोटल ५ ठो, डस्टविन, स्टायवलर एक÷एक ठो, रजिष्टर ५ ठो, पिन ओ डटपेनफे हस्तान्तरण कैगिल बा ।

कार्यक्रममे दिगो विकास समाज भजनीके परियोजना संयोजक रतन विक परियोजनाके उद्देश्यबारे जानकारी प्रदान करल सामाग्रीसे संजालके मासिक बैठक ओ कार्यालय संचालनमे सहयोग पुग्ना बटैलै ।

कैलारी गाउँपालिकाके महिला तथा बालबालिका शाखा प्रमुख बालकुमारी चौधरी संजालहे उ सामाग्री आवश्यक रहल उहाँहुकनके चाहना अनुसार डेहल बटैली । महिला उद्यमी संजालके मासिक बैठक हुइना मने रजिष्टर धरना दराज, बैठना कुर्सी, टेबुल नइरहल ओरसे पालिकाके समन्वयमे उ सामाग्री हस्तान्तर करल उहाँ बटैली ।

कार्यक्रमके संचालन दिगो विकास समाज भजनीके सहजकर्ता रमला चौधरी करले रहिट । कार्यक्रम कैलारी महिला उद्यमी संजालके अध्यक्ष चम्पा बोहराके अध्यक्षतामे हुइल रहे ।

ओस्टेक करके कैलारी गाउँपालिकाके समन्वयमे दिगो विकास समाज भजनी ओ वल्र्ड भिजन इन्टरनेशल नेपालके आर्थिक सहयोगमे संचालित ‘महिला र प्रवासीबाट फर्किएकाहरुको आर्थिक पुनस्र्थापना परियोजना’ अन्र्तगत वडा नम्बर ८ मे गठन हुइल कृषि व्यावसयिक सेवा प्रदायक संजालहेफे सामाग्री हस्तान्तरण करल बा ।

वडा नम्बर ८ के वडा अध्यक्ष तारामल कठरिया संजालके अध्यक्ष हेमराज ढुङगानाहे ४८ हजार ५८ रुप्या ७५ पैसा बराबरके सामाग्री हस्तान्तरण करल रहिट । प्रदान करल सामाग्रीमे दराज, टेबुल एक÷एक ठो, प्लाष्टिक कुर्सी ३० ठो, पानी पिना बोटल ५ ठो, डस्टविन, स्टायवलर एक÷एक ठो, रजिष्टर ५ ठो, पिन ओ डटपेनफे हस्तान्तरण कैगिल बा ।

जनाअवजको टिप्पणीहरू