थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

‘नेपालमे रोजगारी सृजनाके लाग अग्रसर रहम’

पहुरा | ६ माघ २०७९, शुक्रबार
‘नेपालमे रोजगारी सृजनाके लाग अग्रसर रहम’

पहुरा समाचारदाता
धनगढी, ६ माघ ।
सुदूरपश्चिम प्रदेश सभा सदस्य खेमा बिष्ट नेपालमे रोजगारी सृजनाके लाग अग्रसर रहना बटैले बाटी ।

शुकके समाबेशी तथा दिगो सामुदायिक विकास केन्द्रसे आयोजना करल बधाई तथा सम्मान कार्यक्रममे उहाँ वेरोजगार रहल युवाके लाग नेपालमे रोजगारी सृजना कैना अग्रसर रहना बटाइल हुइट । प्रदेश सभा सदस्य विष्ट संस्थाके संस्थापक कोषाध्यक्ष हुइटी ।

आर्थिक कारणसे संस्थासे परिकल्पना करल लक्ष्य तथा उद्देश्य हासिल करे नैसेकल बटैटी उहाँ आब प्रदेश सरकारसे हुइना सहयोग रहना प्रतिवद्धता जनाइल रही ।

‘हम्रे वेरोजगार युवाके लाग नेपालमे रोजगारी सृजना कैना मेरके संस्था स्थापना करल रही’, उहाँ कहली–‘मने आर्थिक कारणसे संस्थासे परिकल्पना करल लक्ष्य तथा उद्देश्य हम्रे हासिल करे नैसेक्ली, आब संस्थाके लाग प्रदेश सरकार अथवा मोर ओरसे हुइना सहयोग रही ।’

कार्यक्रममे संस्थाके संयोजक वेद अवस्थी, महासचिव ठाकुर प्रसाद करिया प्रधान लगायत संस्थाके सदस्यहुक्रे प्रदेश सभा सदस्य विष्टहे खादा तथा माला लगाके बधाई तथा सफल कार्यकालके लाग शुभकामना डेहल रहिट ।

यहाँके युवाहुक्रनहे परिचानल तथा रोजगार बनैना उद्देश्य सहित १५ जेठ २०७६ मे संस्थाके स्थापना हुइल हो । संस्था मार्फत धनगढीके कनरीमे अर्गानिक तरकारी खेतीके फेन सुरुवात करल रहे । मने आर्थिक तथा विविध कारणसे संस्थासे आपन लक्ष्य प्राप्ती करे नैसेकल ।

संस्थाके सयोजक अवस्थी टमान संघ संस्था तथा दातृ निकायसंग समन्वय सहकार्य कैके पुनः संस्था मार्फत यहाँके वेराजगार युवाहे परिचालन तथा रोजगारी सृजनाके लाग अग्रसर हुइना बटाइल रही ।

जनाअवजको टिप्पणीहरू