थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत २४ माघ २६४६, मंगर ]
[ वि.सं २४ माघ २०७९, मंगलवार ]
[ 07 Feb 2023, Tuesday ]

अनुगमन टोलीसे योजनाके अनुगमन

पहुरा | ६ माघ २०७९, शुक्रबार
अनुगमन टोलीसे योजनाके अनुगमन

पहुरा समाचारदाता
हसुलिया, ६ माघ ।
कैलालीके कैलारी गाउँपालिकामे संचालित दुई ठो योजनाके गाउँपालिका स्तरीय अनुगमन समुहसे अनुगमन कैगिल बा ।

गाउँपालिका उपाध्यक्ष तथा अनुगमन समिति संयोजक भगवतीकुमारी चौधरी सहित प्राविधिक टोलीसे शुकके रोज उ योजनाके स्थलगत अनुगमन करल हो । सञ्चालित योजनाके प्रभावकारी, गुणस्तर रहल÷नइरहल बारेमे अनुगमन करल समिति संयोजक भगवतीकुमारी चौधरी बटैली ।

गाउँपालिका स्तरीय अनुगमन समुहसे कैलारी–२ स्थित उजलीसेमरा हरिलाल चौधरीके घरसे बसौती करम बाबा मन्दिरसम सडकस्तरोन्नती अनुगमन कैगिल बा । यी योजनाके लाग १५ लाख रुप्या बजेट विनियोजन करल रहे ।
ओस्टेक करके वडा नम्बर ७ स्थित छटकपुर बसन्तामे लगागिल साढे सात विघाके थारु आलुके अनुगमन कैगिल योजना शाखा प्रमुख सन्तोषकुमार चौधरी बटैलै । थारु आलु पकेट योजनाके लाग गाउँपालिकासे १० लाख ओ स्थानीयस्तरसे १० लाख करके २० लाख बजेट विनियोजन हुइल रहे ।

अनुगमन टोलीमे गाउँपालिका उपाध्यक्ष तथा अनुगमन समिति संयोजक भगवतीकुमारी चौधरी, पूर्वाधार विकास समिति संयोजक तथा वडा नम्बर ६ के अध्यक्ष प्रेमबहादुर चौधरी, वडा नम्बर २ के अध्यक्ष विकास चौधरी, योजना शाखा प्रमुख सन्तोषकुमार चौधरी, अनुगमन समिति सदस्य सुनिलादेवी चौधरी, वडा सदस्य टुनीराम चौधरी, कृषि शाखा प्रमुख मैया चौधरी, सव–ओभरसियर रवि शंकर चौधरी ओ कृष्ण चौधरीलगागतके सहभागिता रहे ।

जनाअवजको टिप्पणीहरू