थारु संस्कृतिविद सुशील चौधरीहे सहयोगके अपिल
पहुरा समाचारदाता
काठमाडौ, ९ माघ । अधिकारकर्मी सुशील चौधरीहे थप उपचारके लाग काठमाडौं लैगिल बा । ब्रेन ह्याम्रेज हुके नेपालगन्ज मेडिकल कलेजमे उपचाररत चौधरीहे थप उपचारके लाग काठमाडौंके अन्नपूर्ण न्युरो अस्पतालमे भर्ना करल हो । चौधरीके उपचारके लाग परिवारसे सहयोगके अपील करले बा । आर्थिक अवस्था कमजोर हुइल कहटी परिवारसे सहयोगके अपील करल हो ।
बर्दियाके बढैयाताल गाउँपालिका वडा नं ८ निवासी उहाँ जंग्रार साहित्यिक बखेरीके संस्थापक संरक्षक, थारू लेखक संघके संस्थापक सदस्य हुइट । उहाँ थारू संस्कृतिसम्बन्धी किताब ओ आलेख लिख्टी आइल बटै । उहाँ लिखल भुरभुरा रहर ओ हिट्वा नाटक प्रदर्शनसमेत हुइल बा कलेसे भुरभुरा रहर फिल्मसमेत बनल बा ।
थारू सांस्कृतिक अभियन्ताके रूपमे चिन्हा चौधरी समसमायिक थारू राजनीतिके विषयमे विश्लेषणसमेत करटी आइल बटै । सहयोगी मनहुक्रे उहाँक छाई मेनका चौधरीके बैंक खातामे सहयोग करे सेक्जैना हो । उहाँक खाता नम्बर 0355752201183001 बैंक NIC Asia Bank खातावालाके नाउँ मेनका चौधरी रहल बा ।