कैलारीमे आँखी जाँच शिविर सुरु

पहुरा समाचारदाता
हसुलिया, ९ माघ । कैलारी गाउँपालिकाके आयोजना एवं धनगढी नेत्रालय प्रा.लि. आखा अस्पतालके प्राविधिक सहयोगमे कैलारी गाउँपालिकाके ९ वडामे आँखा जाँच शिविरके आजसे शुभारम्भ हुइल बा ।

शिविरके शुभारम्भ कार्यक्रमके गाउँपालिका अध्यक्ष राजसमझ चौधरीके वडका पहुनामे हुइल रहे । पहिल दिन वडा न. ३ के शिविरमे ३५६ जनहनहे आँखा उपचार सेवा डेहल रहे ।

जेम्ने मन्से ११९ जनहनहे निशुल्क चस्मा वितरण कैना साथे ५४ जनहनहे निशुल्क शल्यक्रियाके लाग सिफारिस कैगिल कैलारी गाउँपालिकाके स्वास्थ्य प्रमुख नरेशकुमार चौधरी बटैलै । कार्यक्रमके वडा न. ३ क अध्यक्ष सन्तराम चौधरीके अध्यक्षतामे हुइल रहे ।