नागरिक समाजके अवस्था विश्लेषण परामर्श गोष्ठी
पहुरा समाचारदाता
धनगढी, २० माघ । शान्ति, न्याय र सवल संस्थाका लागि नागरिक समाज (कोक्याप) से नागरिक समाजके अवस्था विश्लेषण परामर्श कार्यक्रम करले बा ।
शुकके रोज धनगढीमे टमान सामाजिक संस्थाके प्रतिनिधि ओ मिडियाकर्मीके सहभागितामे परामर्श बैठक हुइल हो । परामर्श बैठकमे शान्ति र न्यायका लागि नागरिक समाज ओ सामाजिक सस्थासे खेलल भूमिकाके चर्चा करल रहे । ओस्टेक, शान्ति, न्याय ओ मानवअधिकारके प्रत्याभूतिके लाग सामाजिक संस्थासे आब खेलेृ पर्ना भूमिकाकेफे चर्चा करल रहे ।
सामाजिक अभियानकर्ता बिस्ना भट्टके अध्यक्षतामे हुइल कार्यक्रमके प्रमुख अतिथि राष्ट्रिय मानव अधिकार आयोग सुदूरपश्चिम प्रदेश कार्यालयके प्रमुख हरि ज्ञवाली नागरिक समाजके भूमिका समयअनुसार परिवर्तन हुई पर्ना बटैलै । उहाँ शान्ति ओ समृद्धिके आधार खडा कैना मानव अधिकारके प्रत्याभूति हुई पर्ना बटैलै । ‘वातावरणीय, आर्थिक, सामाजिक, सांस्कृतिक पक्षमे डेखल समस्या ओ चुनौतीहेफे नागरिक समाजसे उठाई परठ, वातावरणीय, आर्थिक, सांस्कृतिक ओ सामाजिक पक्ष सबल हुइलेसे केल मानवअधिकारके ग्यारेन्टी करे सेक्जाई,’ ज्ञवाली कहलै ।
ओस्टेक कार्यक्रमके अध्यक्ष विस्ना भट्ट सामाजिक सुरक्षा भत्ता बुझ्न वृद्धवृद्धाहुकनहे समस्या हुइल ओरसे समाधान कैना आवश्यक रहल बटैलै । सामाजिक कार्यकर्ता अमिर तिरुवासे स्वागत मन्तव्य राखल कार्यक्रममे सरोज नेपालके प्रस्तुति रहल रहे ।
