नाष्ट कलेजके विद्यार्थीनसे असहाय लर्कन शैक्षिक समाग्री
पहुरा समाचारदा
धनगढी, २३ माघ । नाष्ट कलेज धनगढीके विद्यार्थीसे असाय तथा आर्थिकरुपसे विपन्न बालबालिकाहे शैक्षिक सामाग्री वितरण करले बटै ।
विद्यार्थीहुकनके भविष्य उद्यमी क्लब (एफईसी)से नाष्टके विविए संकायमे अध्ययनरत विद्यार्थीहुक्रे कालिका आधारभूत विद्यालय बेलौरी कञ्चनपुरके ३७ जाने बालबालिकनहे शैक्षिक सामाग्री वितरण करल हुइट ।
उ कार्यक्रममे शिशु कक्षासे आठ कक्षाके विद्यार्थीनहे झोला, कपि कलम, पेन्सिल, ज्यामेट्रि बक्स, कलर पेन्सिल लगायत स्किपिङ डोरी ओ सामान्य ज्ञानके किताब हस्तान्तरण करले बटै ।
उ कार्यक्रममे नाष्ट कलेजके प्रबन्ध निर्देशक शिवहरी शर्मा मुडभरी, कलेज प्रमुख प्रेमबहादुर चन्द, एफईसीके सल्लाहकार प्रेमराज जोशी, शंकरदत्त जोशी, महेश सिंह बडाल सहभागी रहल रहिट ।
कार्यक्रममे बेलौरी नगरपालिका ८ के वडा अध्यक्ष विसराम राना, कालिका स्कुलके प्र.अ. लक्ष्मणप्रसाद रोकाया लगायत अन्य शिक्षककेफे सहभागिता रहल नाष्ट कलेजके सूचना विभाग जनैले बा ।
