कैलारीके विद्यालयहे बुककेस हस्तान्तरण
पहुरा समाचारदाता
हसुलिया, ५ चैत । कैलाली जिल्ला कैलारी गाउँपालिका अन्र्तगतके सामुदायिक विद्यालयहे बुककेस हस्तान्तरण कैगिल बा ।
‘नेपालमा प्रारम्भिक बालशिक्षा र विकासको सवलीकरणका लागि प्रारम्भिक सिकाई तथा विकास मापदण्ड कार्यान्वयन परियोजना’ अन्र्तगत पीसविन कैलालीके सहयोगमे कैलारी गाउँपालिकाके ४४ विद्यालयहे बुकेस हस्तान्तरण कैगिल हो ।
उ बुककेस गाउँपालिकाके अध्यक्ष राजसमझ चौधरी विद्यालयके प्रध्यानापकहुकनहे हस्तारण करल रहिट ।
कक्षा एकके विद्यार्थीनके लाग डेहल उ बुककेसमे कविता, कथा संग्राहलगायत टमान मेरिक किताव समावेश कैगिल बा । बुककेस हस्तान्तरण करटी गाउँपालिका अध्यक्ष उ सामाग्रीके सदुपयोग करी विद्यार्थीनहे बहिय ज्ञानसीपमे बृद्धि करे सेक्ना बटैलै ।
युनिसेफ नेपालके आर्थिक सहयोग, सेतो गुराँस राष्ट्रिय वालविकास सेवा, पीसवीन नेपालके प्राविधिक तथा कैलारी गाउँपालिकाके समन्वय ओ सहकार्यमे ‘नेपालमे प्रारम्भिक बालशिक्षा र विकासको सवलीकरणका लागि प्रारम्भिक सिकाइ तथा विकास मापदण्ड कार्यान्वयन परियोजना’ कैलारीके ४४ ठो सामुदायिक विद्यालयमे टमान गतिविधि संचालन हुइटी रहल बा ।
सामुदायिक विद्यालयहे बुककेस हस्तान्तरण कार्यक्रममे पीसवीन नेपालके जिल्ला कार्यक्रम संयोजक शान्ती मगर, जिल्ला कार्यक्रम अधिकृत जानकी सिंह, लेखा अधिकृत गीता रेग्मी, सेतो गुराँस राष्ट्रिय वालविकास कैलारी संयोजक सुरज परियार लगायतके सहभागिता रहे ।
–
–
