प्लाष्टिक मुक्त अभियानके उत्कृष्ट टिकटक बनुइया भट्ट पुरस्कृत

पहुरा समाचारदाता
धनगढी, ५ चैत । धनगढीमे उत्कृष्ट टिकटकर पुरस्कृत हुइल बटै । धनगढी उपमहानगरपालिकाकासे उत्कृष्ट टिकटकर नन्दराज भट्टहे पुरस्कृत करल बा ।

माघ महिनामे उत्कृष्ट टिकटक निर्माण करल कहटी नन्दराज भट्टहे उपमहानगरपालिकासे सम्मानसहित पुरुस्कृत करल हो । उहाँहे धनगढी उप महानगरपालिकाके मेयर गोपाल हमालसे १५ हजार रुप्याके चेक प्रदान करटी पुरस्कृत करल हुइट ।

उपमहानगरपालिकासे घोषणा करल प्लाष्टिक मुक्त अभियानहे सफल बनैना भट्टसे माघ महिनाके लाग सबसे उत्कृष्ट टिकटक बनैले रहिट ।

नृत्य, गीत, कोइै बोलल नक्कल कैना, प्रभावशाली व्यक्ति मार्फत अपनहे ‘ब्रान्डिङ’ कैना ओ अपन विचार राख्नामे प्रचलित रहल टिकटक सरकारी निकायसे प्रतियोगिता आयोजना करे लागलपाछे युवा सचेतनामुलक भिडियो बनैना ओर अग्रसर डेखल बटै ।धनगढी उपमहानगरपालिकासे कार्तिकसे प्लाष्टिकरहित उपमहानगरपालिका अभियान सञ्चालन करटी उत्कृष्ट टिकटक भिडियोहे पुरस्कृत करटी आइल बा ।