जनता नमूना आधारभुत विद्यालय भवन शिलान्यास

पहुरा समाचारदाता
हसुलिया, ६ चैत । कैलाली जिल्ला कैलारी गाउँपालिका वडा नम्बर ७ स्थित रामपुरमे जनता नमूना आधारभुत विद्यालयके बन्टी रहल भवनके शिलान्यास कैगिल बा ।

कैलारी गाउँपालिका ओ विल्ड अन नेपालके आर्थिक साझेदारीमे बन्टी रहल भवनके उदघाटन एक कार्यक्रमके विच गाउँपालिका राजसमझ चौधरी ओ गाउँपालिका उपाध्यक्ष भगवतीकुमारी चौधरी उदघाटन करल रहिट । कार्यक्रममे बोल्टी गाउँपालिका अध्यक्ष उ भवन समयमे सेक्ना बटैलै । उहाँ कहलै, ‘जौन विद्यालयमे भौतिक पूर्वाधारके कमीसे पठनपाठनमे कर्रा उ विद्यालयमे आवश्यकताके आधारमे भवन, वाउण्डरीके व्यवस्था कैजाई ।

कार्यक्रमके गाउँपालिका उपाध्यक्ष भगवतीकुमारी चौधरी, गाउँपालिकाके प्रवक्ता तथा वडा नम्बर ७ के वडा अध्यक्ष दिपेन्द्र बम, वडा सदस्य, विद्यालयके प्रअ तथा शिक्षक शिक्षिकाहुकनके सहभागिता रहे ।