रामजानकी सामुदायिक वनके अजगर सपुवा फेला

जीवन चौधरी
पहलमानपुर, ६ चैत । कैलालीके घोडाघोडी नगरपालिका–११ मुर्गाहवामे रहल श्रीराम जानकी सामुदायिक वनुवामे अजगर सपुवा फेला परल बा ।

उ सामुदायिक वनके अध्यक्ष चन्द्रबहादुर चौधरी वैज्ञानिक वनमे झारी सफाई करल काठीक कठकौरामे ११ किलो ५ सय ग्रामके अजगर सपुवा फेरल परल जनैलै । ओस्टेक उहाँ उहे सामुदायिक वनके हाथीमुरा कना तलुवामे गोहुवाफे फेला परल बटैलै ।

अपन सामुदायिक वनमे वन्यजन्तुके संख्यामे बृद्धि हुइना खुशीक बाट रहल कहटी संरक्षणमे सक्कु लागे पर्ना बटैलै । अध्यक्ष कहलै, ‘वन जंगल हमार सम्पति हो । बनुवामे रहना बन्य जन्तु ओकर सौन्दर्य हुइट । यकर संरक्षण कैना, संघ संस्था बनकर्मी सक्कु जानेक दायित्व हो ।’

बनुवामे भिटर गैलेसे अपन सुरक्षित रहनाफे उहाँ बटैलै । ओस्टेक करके उहाँ बनजंगलमे हुइना खुला चरिचरण रोकेक लाग काँढे तारवारफे कैटी रहल उ सामुदायिक वनके अध्यक्ष चन्द्रबहादुर बटैलै ।