आधारभूत सिलाई कटाई तालिम सुरु

पहुरा समाचारदाता
हसुलिया, ६ चैत । कैलाली जिल्ला कैलारी गाउँपालिका–५ वैसपुरमे तीन महिने आधारभूत सिलाई कटाई तालिम सुरु हुइल बा ।

उ तालिमके उदघाटन कार्यक्रमके वडका पहुना रहल कैलारी गाउँपालिकाके अध्यक्ष राजसमझ चौधरी करल रहिट । कार्यक्रममे बोल्टी उहाँ वेरोजगारहुकनहे टमान मेरिक सीप प्रदान कैके स्थानीय सरकार रोजगारी सृजना कैना उद्देश्य लेले बा । अब्बेसम ढेर यूवाहुकनके तालिम प्रदान कैसेकल ओरसे तालिमके सदुपयोग कैना उहाँ आग्रह करलै ।

सीप सिखी आत्म निर्भर बनी कना नाराके साथ ‘गरिवी निवारणका लागि लघु उद्यम विकास कार्यक्रम’ अन्र्तगत सुरु हुइल तालिममे वडा नम्बर ५ ओ ७ के २५ जाने सहभागी रहल बटै ।

कैलारी गाउँपालिका वडा नम्बर ५ के वडा अध्यक्ष विष्णु प्रसाद चौधरीके अध्यक्षतामे हुइल कार्यक्रमके संचालन लघु उद्यम विकास शाखाके प्रमुख प्रदीप चौधरी करले रहिट । कार्यक्रममे कार्यपालिका सदस्य सुन्दरी चौधरी, वडा सदस्य मनिराम कुमाल, पवित्रा परियार, ओ कैलारी महिला उद्यमी संजालके अध्यक्ष चम्पा बोहरालगायतके सहभागिता रहे । गरिबी निवारणका लागि लघु उद्यम विकास कार्यक्रम मेड्पा अन्तर्गत ८ दिने उद्यमशीलता विकास तालिम पासेकल हुकनहे तालिम डेजैटी रहल बा । तालिम असार ६ गतेसम चल्ना बा ।