अनुगमन समितिसे सडक स्तरोन्नतीके अनुगमन

पहुरा समाचारदाता
हसुलिया, ६ चैत । कैलालीके कैलारी गाउँपालिका स्तरीय अनुगमन समुहसे ग्राभेल डगर स्तरोन्नतीके अनुगमन कैगिल बा ।

गाउँपालिका उपाध्यक्ष तथा अनुगमन समिति संयोजक भगवतीकुमारी चौधरी सहित प्राविधिक टोलीसे अँटवारके रोज वडा नम्बर ६ कैगिल ग्राभेल डगर स्तरोन्तीके स्थलगत अनुगमन कैगिल हो । गाउँपालिकाके आर्थिक सहयोगमे वडा नम्बर ६ के बेनौली प्रतिक्षासे पुरान स्कूल जैना डगरसम डारगिल ग्राभेलके अनुगमन करल समिति संयोजक बटैली ।यकर लाग १५ लाख बजेट कैगिल रहे ।

ओस्टेक वडा सिमरना गाउँसे सामारचौरा जैना सडक ग्राभेलके अनुगमन कैगिल बा । यकर लागफे रु १५ लाख बजेट विनियोजन करल रहे । दुनु योजना अब्बे सम्पन्न हुइल बा । अनुगमनमे योजना शाखा प्रमुख सन्तोषकुमार चौधरी, सदस्य सुनिलादेवी चौधरी ओ प्राविधिकलगागतके सहभागिता रहे ।