जोशीपुरके हजारीबारामे टयाक्टर दुर्घटना हुके दुई मुनैं
पहुरा समाचारदाता
धनगढी, ७ चैत । कैलालीके जोशीपुर गाउँपालिका–७ हजारबारामे सोम्मारके रोज बेरीजुन टयाक्टर दुर्घटना हुके दुई जानेक मृत्यु हुइल बा कलेसे २८ जाने घाहिल हुइल बटै ।
सुगरखालसे भजनी न.पा.९ कुँरी ओर अइटी रहल बेला बेरीजुन ९ बजके २० मिनेटमे टेक्टर विलटके जिल्ला कैलाली भजनी न.पा. ९ बैठना बर्ष करिब १४।१५ के चाहाना चौधरी ओ बर्ष ४५।४६ के दिलरानी चौधरीके मृत्यु हुइल जिल्ला प्रहरी कार्यालय कैलालीके प्रवक्ता कुलदिप चन्द बटैलै । दुघर्टनापाछे घाहिल ओइनके घोडाघोडी अस्पतालमे मृत्यु हुइल उहाँ बटैलै । कैलालीके भजनी न.पा.९ कुरी बैठना सुरज चौधरीसे चलाइल से १ त ८८७० नं.के ट्याक्टर अपनही अनियन्त्रीत हुके विल्टेबेर ट्याक्टरमे सवार २८ जाने घाहिल हुके उपचारके लाग घोडाघोडी अस्पताल सुखड ओ बर्दगोरिया अस्पताल कैलालीमे पठाइल ईलाका प्रहरी कार्यालय जोशीपुरके प्रहरी नायव निरिक्षक गणेश बहादुर सिंह बटैलै ।
दुघर्टनापाछे घाहिल हुके बर्दगोरीया अस्पतालमे भजनी नगरपालिका ९ बैठना बर्ष ७० के दोहती डगौरा, बर्ष ७० के पेपी डगौरा, बर्ष ५१ के ज्योती चौधरी, बर्ष ५१ के मगुली चौधरी, बर्ष ६५ के मेदी डगौरा, बर्ष २५ के मधु चौधरी, बर्ष ३० के रुपा चौधरी, बर्ष साढे ४ बरके हिमान्सु चौधरी,बर्ष २८ के अनिता चौधरी, बर्ष ९ के रिदम चौधरी, बर्ष ३ के आरोही चौधरी, बर्ष ५५ के तुन्नि चौधरी, ओली चरण चौधरीके छावा बर्ष ८ के रिवस चौधरीके उपचार हुइटी रहल बा ।
ओस्टेक करके घोडाघोडी अस्पताल सुखडमे उपचार हुइटी घाईतेमे भजनी न.पा. ९ बैठना बर्ष १६ के रोहन चौधरी, बर्ष ३९ के कृष्णी देवी डगौरा, बर्ष १२ के रत्ना चौधरी, बर्ष ४० के आशा देवी डगौरा, बर्ष ४१ के सग्रामी चौधरी, बर्ष १२ के बिपिन चौधरी, बर्ष ३८ के फुलराम चौधरी, बर्ष १० के सन्तोष चौधरी, बर्ष २२ के हिरा चौधरी, बर्ष ३० क रिता चौधरी रहल बटै । ओस्टेक करके बर्ष १४ के क्षितिज चौधरी, बर्ष १३ के अमन चौधरी, बर्ष १२ के रिया चौधरी, बर्ष ७ के बिरेन्द्र चौधरी, बर्ष ३१ के सानु चौधरी, बर्ष ६ के अपेक्षा चौधरी, बर्ष ११ के राकेश चौधरी, बर्ष ३ के सबिन चौधरी घाहिल हुइल प्रहरी जनैले बा ।
–
–
