थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १६ चैत २६४७, शुक्कर ]
[ वि.सं १६ चैत्र २०८०, शुक्रबार ]
[ 29 Mar 2024, Friday ]

सिकलसेल रोग पहिचान शिविरमे ९५ जहनमे सिकलसेल पोजेटिभ

पहुरा | ५ बैशाख २०८०, मंगलवार
सिकलसेल रोग पहिचान शिविरमे ९५ जहनमे सिकलसेल पोजेटिभ

पहुरा समाचारदाता
बैशाख, ५ वैशाख ।
कैलाली जिल्लाके कैलारी गाउँपालिकामे जारी निशुल्क सिकलसेल रोगके पहिचान शिविरमे ९५ जहनमे सिकलसेल पोजेटिभ डेखल बा ।

उ पालिकामे करिब ९६ प्रतिशत थारु समुदायके बसोबास रहल ओ थारु समुदायहँुक्रे यी रोगसे ढयार प्रभावित हुइल ओरसे सिकलसेल रोग पहिचान करेक लाग शिविर संचालन कैगिल कैलारी गाउँपालिकाके स्वास्थ्य शाखा प्रमुुख नरेशकुमार चौधरी बटैलै ।

यिहे बैशाख ३ गतेसे ६ गतेसम नौ वडामे रहल प्राथमिक स्वास्थ्य केन्द्र, स्वास्थ्य चौकीमे सिकलसेल रोगके पहिचान शिविर संचालनके आयोजना करे लागल उहाँ जनैलै ।

बसौटी स्वास्थ्य चौकी उजलीसेमरामे कैगिल सिकलसेकल रोगके पहिचान शिविरमे ७६ जानेक जाँच करेबेर १३ जहनमे, हसुलिया स्वास्थ्य चौकी, टिसेनडाँडामे १५१ जानेक जाँच करेबेर १८ जहनमे ओ पवेरा स्वास्थ्य चौकीमे १५९ जहनके जाँच करेबेर १५ जहनमे सिकलसेल पोजेटिभ डेखल स्वास्थ्य शाखा प्रमुख चौधरी बटैलै ।

ओस्टेक मंगरके रोज कैलारीके रतनपुर स्वास्थ्य चौकी बसन्ता १०० जानेक जाँच करेबेर २३, उदासीपुर प्राथमिक स्वास्थ्य केन्द्रमे ५५ जानेक जाँच करेबेर ९ ओ गदरिया स्वास्थ्य चौकी गदरिया बजारमे १२० जानेक जाँच करेबेर १७ जनहनमे सिकलसेल पोजेटिभ डेखल वहाँ बटैलै । आजफे रतनपुर स्वास्थ्य चौकी बसन्ता, उदासीपुर प्राथमिक स्वास्थ्य केन्द्र ओ गदरिया स्वास्थ्य चौकी गदरिया बजारमे सिकलसेल रोगके पहिचान शिविर संचालन रना उहाँ जनैलै । यिहीसे आघे कैलारी गाउँपालिकामे ८८ जाने सिकलसेल रोगके विमारी विरुवा करैटी रहल स्वास्थ्य शाखा प्रमुख चौधरी बटैलै ।

जनाअवजको टिप्पणीहरू