थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०५ असार २६४८, मंगर ]
[ वि.सं ५ असार २०८१, मंगलवार ]
[ 18 Jun 2024, Tuesday ]

भल्मन्साहुकनहे बरघर ऐन सम्बन्धी तालिम

पहुरा | ६ जेष्ठ २०८०, शनिबार
भल्मन्साहुकनहे बरघर ऐन सम्बन्धी तालिम

पहुरा समाचारदाता
हसुलिया, ६ जेठ ।
कैलाली जिल्लाके कैलारी गाउँपालिकामे शनिच्चरके रोज भल्मन्साहुँक्रनहे बरघर ऐन सम्बन्धी तालिम डेगिल बा ।

नेपालका आदिवासीहरुको मानवअधिकार सम्बन्धी वकिल समुह(लाहुर्निप) के आयोजनामे कैलारी गाउँपालिकाके ९ वडाके ४५ जाने भल्मन्साहँुक्रनहे बरघर ऐन सम्बन्धी तालिम डेगिल हो । तालिमके उदघाटनसत्रमे बोल्टी कैलारी गाउँपालिकाके अध्यक्ष राजसमझ चौधरी कैलारीमे बरघर ऐन पास कैगिल जानकारी डेटी कार्यविधि बनाके कार्यान्वयन प्रक्रियामे लैजैना प्रतिबद्धता जनैलै ।

थारु कल्याणकारिणी सभाके पूर्व केन्द्रीय सल्लाहकार भानुराम चौधरी सरकारसे भल्मन्सा विस्थापित करेक लाग टोल विकास समिति ओ मेलमिलाप केन्द्र नानल बटैलै ।

थरुहट नेता होरीलाल चौधरी अधिकारके लाग लरल आन्दोलनके सक्कु उपलब्धी गुमसेकल बटैलै । उहाँ कहलै, आन्दोलनकारी ओ सरकार विच हुइल सम्झौता सहमति कुछफे लागु नइहुइल कारण टिकापुर घटनाके निर्दोष थारु अभिनफे जेलमे रहल बटैलै ।

थारु कल्याणकारी सभाके केन्द्रीय सदस्य रामचरण चौधरी भल्मन्साहुक्रे फौजदारी ओ डेवानी प्रकृतिके कतिपय जानअजानमे मिलाइल कारण अपनही कानूनी कार्वाहीमे परल बटैलै । कार्यक्रममे थरुहट नेता गया प्रसाद कुश्मी, थारु नागरिक समाज कैलालीके दिलबहादुर चौधरी लगायत मन्तव्य व्यक्त करल रहिट ।

बार एशोशियसनके पूर्व केन्द्रीय उपाध्यक्ष तथा अधिवक्ता जोहरीलाल चौधरी गाउँपालिकामे पास हुइल ऐनबारे जानकारी डेहल रहिट । उहाँ भल्मन्साहुकनके भल्मन्सा प्रथा, डेवानी मुद्दा, फौजदारी मुद्दा लगायत विषयमे प्रशिक्षण डेहल रहिट । ओस्टेक नेपालका आदिवासीहरुको मानवअधिकार सम्बन्धी वकिल समुह(लाहुर्निप) के अधिकृत तथा अधिवक्ता मनोज राईफे प्रशिक्षण डेहल रहिट ।

नेपालका आदिवासीहरुको मानवअधिकार सम्बन्धी वकिल समुह(लाहुर्निप)के केन्द्रीय सदस्य सर्जुप्रसाद चौधरीके घरगोस्यामे हुइल कार्यक्रमके संचालन दलबहादुर ओली करल रहिट ।

जनाअवजको टिप्पणीहरू