पूर्व राजा ज्ञानेन्द्रके नागरिक अभिनन्दन
पहुरा समाचारदाता
धनगढी, ८ जेठ । पूर्व राजा ज्ञानेन्द्रके नागरिक अभिनन्दन करल बा । सोम्मार धनगढी रंगशालामे हजारौं नागरिकसे अभिनन्दन करल हुइट । पूर्व राजा पटुहिया ओ नातिनीयासहित धनगढी पुगल रहिट ।
राजपरिवारहे अभिनन्दन कैना धनगढीमे पूर्व मन्त्री जयन्त चन्दके संयोजकत्वमे एक हजार एक सदस्यीय नागरिक अभिनन्दन मूल समारोह समिति गठन करल रहे । सुरूमे जेठ ६ गते कार्यक्रम तय हुइलेसेफे नागरिक उन्मुक्ति पार्टीसे नेपाल बन्द कैना हुइलपाछे अभिनन्दन समारोह सोम्मारके लाग सारल रहे ।
नागरिक अभिनन्दन कार्यक्रmममे पूर्व राजा ज्ञानेन्द्र शाह मुलुकके वर्तमान अवस्थाप्रति असन्तुष्टि व्यक्त करले बटै । उहाँ वर्तमान युग प्रविधि ओ तीव्र विकासके युग हुइसेफे नेपाल ओ नेपालीसे उ अनुभव करे नइपाइल बटैलै । पूर्व राजासे नेपालमे रहल स्रोत साधन ओ सामथ्र्यसे युग अनुकुल परिवर्तन ओ विकास कैना सम्भव हुइलेसेफे उ हुई नइसेक्ना मुलुक ओ जनताके लाग दुर्भाग्यके विषय रहल बटैलै । उहाँ कहलै, ‘आब सोच्न बेला आइल । कैसिक राष्ट्रिय सोच हम्रे लेना गहिर दिलसे नेपाली हुके सोचे परल ।’
पूर्व राजा देशसे भमारी कुछ नइरहल ओरसे नेपालीहे देशमे कैसिन व्यवस्था रहन कना निर्णय कैना जिम्मेवारी डेहे पर्ना बटैलै । राजनीतिक दलके नेताहुक्रे ओर लक्षित करटी आजके आवश्यकताहे नइडेखके बाट बटारके, अल्मल्याके, निषेध करके कोठे ओ ओठे जवाफ लौटाके देशके स्थिति नसुध्रना पूर्व राजा बटैलै । पूर्व राजासे काल्हके सुन्दर सपनाहे साकार कैना नेपाली जनाताहे जिम्मा डेहे पर्ना बटैलै ।
पूर्व राजाके धनगढीके धार्मिक स्थलके भ्रमण ओ दर्शन कैना कार्यक्रमसमेत रहल सञ्चार संयोजक ललित जोशी बटैलै ।
–
–
