थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १८ जेठ २६४७, बिफे ]
[ वि.सं १८ जेष्ठ २०८०, बिहीबार ]
[ 01 Jun 2023, Thursday ]

महिलाहुकनहे उदघोषण तालिम

पहुरा | १० जेष्ठ २०८०, बुधबार
महिलाहुकनहे उदघोषण तालिम

पहुरा समाचारदाता
मसुरिया, १० जेठ ।
कैलालीके गौरीगंगा नगरपालिका–७ मे महिलाहुकनके लाग सात दिने उदघोषण तालिम डेगिल बा ।

गौरीगंगा नगरपालिका वडा नम्बरके ७ के आर्थिक सहयोग ओ पहुरा मिडिया प्रालिके सहजीकरणमे महिलाहुकनहे सात दिने उदघोषण तालिम डेगिल हो । तालिम समापन कार्यक्रम वडा नम्बर ७ के वडा अध्यक्ष आशाराम डंगौराथारुके वडका पहुना हुइल रहे । कार्यक्रममे बोल्टी उहाँ ग्रामीण क्षेत्रके महिला अभिन मजासे अपन बाट धारे नइसेक्ना, बोल्नाफे डर मन्ना हुइल ओरसे ओइनके नेतृत्व विकासके लाग उदघोषण तालिम डेहल हो । यी बरस कम हुइलेसेफे बजेट विनियोजन करल ओर अइना दिनमे नेतृत्व विकासके निरन्तरता डेना प्रतिवद्धता जनैलै ।

कार्यक्रममे कार्यपालिका सदस्य उर्मिला चौधरी, नेपाली काँग्रेस वडा नम्बर ७ के सभापति हेमराज जोशी, भल्मन्सा मेलाराम टेर्रा, सिहासन आविके प्रअ कृष्ण प्रसाद चौधरी, नेपाल प्रेस यूनियनके जिल्ला अध्यक्ष श्रवण देउवा लगायतसे मन्तव्य व्यक्त करले रहिट । पहुरा दैनिकके सम्पादक प्रेम चौधरीके अध्यक्षतामे हुइल कार्यक्रममे संचालन रेखा चौधरी ओ धन्यवाद ज्ञापन उ कार्यक्रमके संयोजक दिनेश दहिट करल रहिट ।

जनाअवजको टिप्पणीहरू