प्रदेश प्रहरी प्रमुख बोहरासे संचारकर्मीनसंग अन्तरक्रिया
पहुरा समाचाारदाता
धनगढी, १५ जेठ । सुदूरपश्चिम प्रदेश प्रहरी प्रमुख प्रहरी नायव महानिरिक्षक भरतबहादुर बोहरा संचारकर्मीसे परिचयात्मक, अन्तरक्रिया कार्यक्रम करले बा ।
सुदूरपश्चिम प्रदेशमे अपने आइलपाछे लागु औषध, गुण्डागर्दी, तस्करी ओ फरार। मुद्दामे प्राथमिकता डेहल बटैलै । उहाँ चैत १६ गते सुदूरपश्चिम प्रदेशमे प्रदेश प्रहरी प्रमुखके जिम्मा सम्हारल रहिट । यी अवधिमे जेठ १२ गतेसम २८४ ठो अपराधके घटना तथ्यांक करल बटैलै ।
सबसे ढेर लागु औषधके ११३, आत्महत्याके ११० जबरजस्ती करणी ३४, जबरजस्ती करणी उद्योग १० मानव बेचविखन तथा ओसार पोसार ३, मानव वेचविखन तथा जबरजस्ती करणी ३ ओ जातिय छुवाछुुट २ करके २८४ ठो घटना अभिलेखीकरण हुइल जनैलै ।
आर्थिक बर्ष २०७६–०७७ सालमे १ हजार ५५, आर्थिक बर्ष २०७७–०७८ सालमे १३ सय ६८, आर्थिक बर्ष २०७८–०७९ सालमे १३ सय १६ ओ आर्थिक बर्ष २०७९–८० साल बैशाख मसान्तसम ११ सय ४३ ठो घटना सुदूरपश्चिम प्रदेश प्रहरी कार्यालयमे अभिलेखीकरण हुइल उहाँ बटैलै ।
कार्यक्रममे नेपाल पत्रकार महासंघके पूर्व केन्द्रीय सदस्य दिल बहादुर छत्याल सुदूरपश्चिम प्रदेशमे पहिले हुइल टमानके घटनाके अभिनसम टुङगो लागे नइसेकल बटैलै । सिमा क्षेत्रमे तस्करी मौलाइल मने प्रहरी उहीहे नियन्त्रण करे नइसेकल बटैलै ।
पत्रकार जगत साउद सिमामे प्रहरीके संलग्नतामे तस्करी हुइल बटैलै । उहाँ सिमा क्षेत्रमे घुमुवा प्रहरी अदलीबदली करे पर्ना बटैलै ।
–
–
