दुई विधाके मनोनयन सार्वजनिक

पहुरा समाचारदाता
धनगढी, २० जेठ । धनगढीमे हुइना चौथो एसपिए सुदूरपश्चिम स्पोर्टस अवार्डके दुई विधाके मनोनयन सार्वजनिक हुइल बा ।

सुदूरपश्चिमाञ्चल एकेडेमीके मुख्य प्रायोजनमे हुइना अवार्डके सुदूरपश्चिम आईकन पुरुष ओ सुदुरपश्चिम आईकन महिला विधाके मनोनयन सार्वजनिक करल हो । आयोजक नेपाल खेलकुद पत्रकार मञ्च कैलालीसे शनिच्चरके धनगढीमे पत्रकार सम्मेलन कैटी सुदूरपश्चिम प्रदेशके प्रतिनिधित्व कैटी राष्ट्रिय तथा अन्तराष्ट्रिय खेलमे पदक विजेता खेलाडीहे समेटके मनोनय सार्वजनिक करल हो ।

असार ८ गते धनगढीमे हुइना चौथो संस्करणके एसपिए सुदूरपश्चिम स्पोर्टस अवार्डके माया मेट्रो हस्पिटल सुदुरपश्चिम आईकन पुरुष विधामे फेन्सिङका जलेन्द्र शाही, कराँतेके आनन्द कामी ओ फुटबलका जियारत सेख मनोनयनमे परल बाटै ।

शाहीले ९ औं राष्ट्रिय खेलकुदमे सुदुरपश्चिमहे पहिल स्वर्ण पदक जिटाइल रहिट । फेन्सिङमे सुदूरपश्चिमहे उहाँ पहिलचो स्वर्ण पदक जिटाइल हुइट । उहाँ नै पहिलचो फेन्सिङ सिकाइल खेलाडीहुक्रे पहिल सहभागीतामे सुदूरपश्चिमहे दुई कास्य पदक समेत जिटाइल रहिट । आनन्द फेन ९ औं राष्ट्रिय खेलकुदमे कराँते ओर ५० किलो तौल समुहमे स्वर्ण जिटल रहिट । सुदुरपश्चिमहे कराँतेमे स्वर्ण पदक डेहुवाइना उहाँ एक्ला खेलाडी हुइट ।

उहाँ प्रशिक्षण डेहल दुई जाने खेलाडी राष्ट्रपति रनिङ सिल्डमे फेन दुई कास्य पदक जिटल रहिट । कामी भारतमे हुइल ईण्डो नेपाल च्याम्पीयनसीपमे फेन स्वर्ण जिटल रहिट । जियारत उमेर समुहमे नेपाली पुरुष टीममे सहभागीता जनैटी २० बरस टरेक साफ च्याम्पीयनसीपमे उपविजेता बनल टोलीके सदस्य हुइट । उहाँ खुमलटार युवा क्लबहे ए डिभिजनमे पुगाइक लाग फेन उत्कृष्ट प्रदर्शन करल रहिट । मनाङ मस्याङ्दी क्लबसे व्यवसायिक ए डिभिजन लिग खेल्टी रहल उहाँ गैल बरस हुइल तिलोत्तमा गोल्डकपके उत्कृष्ट गोलरक्षक समेत हुइल रहिट ।

उहाँ एफसी यु २० छनोटमे नेपाली टीमके प्रतिनिधित्व कैटी सहभागीता जनाइल रहिट । न्यु सिटी पोलिक्लिनिक सुदुरपश्चिम आईकन महिलामे कुस्तीके मनिषा सिंह, फुटबलके दिपा रोकाया ओ क्रिकेटके कविता कुँवर मनोनयनमे परल बाटै । मनिषा ९ औं राष्ट्रिय खेलकुदमे सुदुरपश्चिमहे कुस्तीमे ५३ किलो तौल समुहमे स्वर्ण पदक डेहुवाइल रही । उहाँ एसियन छनोट प्रतियोगितामे फेन स्वर्ण हात पारल रही । कविता सुदूरपश्चिमहे प्रधानमन्त्री कप क्रिकेट प्रतियोगिताके च्याम्पीयन बनैना उत्कृष्ट प्रदर्शन करल रही । उहाँ प्रतियोगिताके सर्वोकृष्ट खेलाडी बनल रही ।

ओस्टके मेयर कप ओ नेपाली महिला क्रिकेट टीमसे सहभागीता जनैटी खेल खेलल् रही । असार ८ गते हुइना ‘चौथो एसपिए सुदूरपश्चिम स्पोर्टस अवार्ड २०७९’ हे सुदूरपश्चिमाञ्चल एकेडेमी मुख्य प्रायोजन करले बा । मुख्य सह प्रायोजकमे धनगढीके स्वस्तिक अस्प्ताल रहल बा । चौथो संस्करणके ‘एसपीए सुदूरपश्चिम स्पोर्टस अवार्ड २०७९’ मार्फत वर्ष २०७९ मे उच्च प्रदर्शन करल राष्ट्रिय तथा अन्तर्राष्ट्रिय क्षेत्रमे सफल खेलाडी ओ प्रशिक्षक कैके टमान ८ विधामे अवार्ड प्रदान करजैना बा । उत्कृष्ट खेलाडी पुरुष ओ महिला, उत्कृष्ट प्रशिक्षक, वर्ष युवा खेलाडी, स्पेसल अवार्ड, लाइफ टाइम एचिभमेन्ट अवार्ड, सुदूरपश्चिम आइकन महिला ओ पुरुष विधामे अवार्ड प्रदान करजैना हुइल बा ।

उत्कृष्ट खेलाडी पुरुष ओ महिला विधाके विजेताहे ३५/३५ हजार, उत्कृष्ट प्रशिक्षकहे ३० हजार, वर्ष युवा खेलाडी, स्पेसल अवार्ड ओ लाइफटाईम एचिभमेन्ट अवार्डके विजेताहे २५/२५ हजार नगदसे पुरस्कृत करजैना आयोजक नेपाल खेलकुद पत्रकार मञ्च कैलाली जनैले बा । ओस्टके सुदूरपश्चिम आईकन महिला ओ पुरुष विधाके विजेताहे नगद २० हजार सहित ट्रफी, मेडल ओ प्रमाणपत्र प्रदान करजैना बा । अवार्डके चौथो संस्करणके तयारी तीव्र रूपमे हुइटी रहल बा । प्रायोजक प्रर्वद्धकके खोजी कैटी अवार्डके तयारी आघे बह्रल बा । अवार्डमे सुदूरपश्चिम आईकन पुरुष विधाहे माया मेट्रो हस्पिटल ओ सुदूरपश्चिम आईकन महिला विधाहे सिटी पोलिक्लिनिक प्रायोजन करले बा ।