थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०४ असार २६४८, सोम्मार ]
[ वि.सं ४ असार २०८१, सोमबार ]
[ 17 Jun 2024, Monday ]

रानाथारूहे अलगे करके प्रकाशन करलमे थारू आयोगके गम्भीर ध्यानाकर्षण

पहुरा | २२ जेष्ठ २०८०, सोमबार
रानाथारूहे अलगे करके प्रकाशन करलमे थारू आयोगके गम्भीर ध्यानाकर्षण

पहुरा समाचारदाता
धनगढी,२२ जेठ ।
राष्ट्रिय तथ्यांक कार्यालयसे राष्ट्रिय जनगणना, २०७८ के अन्तिम नतिजा प्रकाशन करेबेर थारू समुदायभिटरके रानाथारूहे अलगे जाति ओ भाषा कायम करके प्रकाशन करलमे थारू आयोगके गम्भीर ध्यानाकर्षण हुइल बा ।

यी आयोगसे राष्ट्रिय तथ्यांक कार्यालयसंग बारबार पत्राचार ओ छलफल समेत करके आयोगहे सुझाव डेलेसेफे आयोगके सुझावहे राष्ट्रिय तथ्याङ कार्यालयसे बेवास्ता करके थारू आयोग ऐन, २०७४ के भावना विपरित अलगे रानाथारू जाति ओ राना थारू भाषा कायम करके तथ्यांक प्रकाशन करल विज्ञप्तीमे कहल बा ।

थारु समुदायके थर सूचीकरण कैना जिम्मा थारू आयोग ऐन, २०७४ से थारु आयोगहे प्रदान करले बा । थारू आयोगसे सिफारिस नइकरल अवस्थामे राष्ट्रिय तथ्यांक कार्यालयसे नयाँ रानाथारू जाति ओ रानाथारू भाषा कायम करके तथ्यांक प्रकाशन करलमे यी आयोगके असहमति रहल बा ।

रानाथारू अलगे जाति नइहुके थारू जातिके एक ठो थर रहल ओरसे उहे बमोजिम थर सूचीकरणके प्रतिवेदन समेत प्राप्त हुसेकल बा । साथे रानाथारूहे थारू समुदायमे कायम कैना थारू आयोगसे टमान मितिमे नेपाल सरकारहे सिफारिस समेत करले बा । अतः रानाथारू ओ रानाथारू भाषाहे थारू जाति ओ थारू भाषामे समावेश हुइना करके तथ्यांक सुधार कैना सम्बन्धित निकायके ध्यानाकर्षण करले बा ।

जनाअवजको टिप्पणीहरू