नवजिवन सेवा संघसे फस्टकिट वक्स ओ फुटवल हस्तान्तरण

पहुरा समाचारदाता
हसलिया, ११ असार । नवजीवन सेवा संघसे कैलारी गाउँपालिकाहे विद्यालयहे फस्टकिट ओ फुटवल हस्तान्तरण करले बा ।

संघसे गाउँपालिकाभिटर माध्यमिक विद्यालय ओ आधारभूत विद्यालयके लाग प्राथमिक उपचार बक्स ओ फुटवल हस्तान्तररण करल हो । नवजीवन सेवा संघके कार्यक्रम संयोजक एकिन्द्र ठकुल्ला गाउँपालिका अध्यक्ष राजसमझ चौधरी ओ प्रमुख प्रशासकीय अधिकृत विरबहादुर ऐरहे उ सामान हस्तान्तरण करल रहिट । कार्यक्रममे पालिका अध्यक्ष राजसमझ चौधरी संघहे धन्यवाद डेटी अइना दिनमे सहकार्य समन्वय रहना बटैलै ।

संघसे गाउँपालिकाभिटर माध्यमिक विद्यालय ओ आधारभूत विद्यालयके लाग डेहल प्राथमिक उपचार बक्स ओ फुटवल विद्यालयमे जाके हस्तान्तरण कैना कैलारी गाउँपालिका स्वास्थ्य शाखा प्रमुख नरेशकुमार चौधरी बटैलैे ।