थाकस कैलालीके अधिवेशन कैलारीमे हुइना

पहुरा समाचारदाता
धनगढी, २६ भदौ । थारु कल्याणकारिणी सभा कैलालीके मंगरके रोज धनगढीमै बैठल बैठकसे टमान निर्णय करले बा ।

थारु कल्याणकारिणी सभा कैलालीके ९औ जिल्ला अधिवेशन २०८० यिहे कुवाँर ६ गते हसुलियामे कैना कार्यवाहक जिल्ला सभापति माधव थारु बटैलै । अधिवेशन भव्यताके साथ सम्पन्न करेक लाग यकर लाग आर्थिक, प्रचारप्रसार, मञ्च तथा खाना व्यवस्थापन, प्रतिवेदन, मास परिचालन तथा यातायात, अतिथि सत्कार लगायतके उपसमिति बनाके जिम्मेवारी डेहल बा ।

थारु समुदायमे दखल रख्न व्यक्तित्वह्ुकनहे सम्मान कैना, वडका पहुनाके लाग मुख्यमन्त्रीहे बोलैना, कैलाली जिल्लाके थारु बसोबास पालिकामे अधिवेशन सहयोगार्थ प्रस्ताव पत्र पेश कैना निर्णय हुइल सभापति बटैलै । ओस्टेक करके अधिवेशन सभ्य ओ भब्यता साथ सम्पन्न कैना सर्वपक्षीय रुपमे पहल करके मास परिचालनमे सक्रिय भुमिका निभैना निर्णय हुइल उहाँ जनैलै ।