पालिकास्तरीय अपांगता सञ्जाल गठन

पहुरा समाचारदाता
धनगढी, २७ भदौ । कैलालीके टीकापुर नगरपालिका ओ जानकी गाउँपालिकामे पालिकास्तरीय अपांङगता सञ्चाल गठन कैगिल बा ।

दिगो विकास समाज भजनी कैलालीके आयोजना, लुथरन वल्र्ड फेडेरेसन नेपालके आर्थिक सहयोगमे कैलाली जिल्लाके टीकापुर नगरपालिका ओ जानकी गाउँपालिकामे रहल सक्कु मेरिक अपांगता रहल व्यक्तिहु्कनहे समेटके पालिका स्तरीय संजाल गठन कैगिल हो ।

टीकापुरमे महेश चौधरीके संयोजकत्वममे ११ सदस्यीय ओ जानकी गाउँपालिकामे अशोक चौधरीके संयोजकत्वमे ११ सदस्यीय अपांगता कार्य संजाल गठन कैगिल हो । उ संजाल गठन कार्यक्रममे दिगो विकास समाजके टेक्निकल कोडिनेटर नन्दराज भट्ट ओ कार्यक्रम सहायक बासुदेव चौधरीके सहभागीता रहल रहे ।

नयाँ गठन करल संजालके सदस्यहुकनहे टेक्निकल कोडिनेटर नन्दराज भट्ट अपांगता अधिकार ओ राज्यसे पैना सेवा सुविधा सम्बन्धमे सहजीकरण कैनाके साथे पैरवी योजना समेत निर्माण करल कार्यक्रममे ७० जाने अपांगता रहल व्यक्तिहुकनके सहभागीता रहल रहे ।

कैलालीके बर्दगोरिया गाउँपालिकामे अपांगता रहल व्यक्तिहुकनके लाग वकालत ओ स्थानीय श्रोत साधनके सदुपयोग कैना अपाङता सम्बन्धी काम कैना सस्था नइरहल ओरसे स्थानीयसे अपाङगता सम्बन्धी आवश्यक सल्लाह सुझाव ओ परामर्श समेत नइपैना ओ जिल्ला, प्रदेशस्तरमे समन्वय कैना कौनो संरचना नइरहल अवस्थामे अपांगता अभियानहे उच्च तहमे पुगैना ओ स्थानीय अपांगता रहल नागरिकहे राज्यके मुलप्रवाहमे ल्यानके सेवा सुविधामे पहुँच अभिवृद्धिसहित अपांगता मैत्रीपुर्ण वातावरणके निर्माण करटी विभेदरहिट समतामूलक समाजके निर्माण कैना उद्देश्यसे पालिकास्तरीय संजाल गठन करल जानकारी दिगो विकास समाजके टेक्निकल कोडिनेटर नन्दराज भट्ट बटैलै ।