थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १० फागुन २६४७, बिफे ]
[ वि.सं १० फाल्गुन २०८०, बिहीबार ]
[ 22 Feb 2024, Thursday ]

अपि हिमाल वेश क्याम्पमे विश्व पर्यटन दिवस मनाजैना

पहुरा | ३० भाद्र २०८०, शनिबार
अपि हिमाल वेश क्याम्पमे विश्व पर्यटन दिवस मनाजैना

पहुरा समाचारदाता
धनगढी, ३० भदौ ।
अन्तर्राष्ट्रिय पर्यटन दिवस २०२३ तथा भिजिट अपि हिमाल २०८० अपि हिमालके वेश क्याम्पमे मनैना हुइल बा ।

अपि हिमाल गाउँपालिकाके आयोजना, उद्योग पर्यटन वन तथा वातारण मन्त्रालय सुदूरपश्चिमके सहकार्य तथा नाट्टा सुदूरपश्चमके समन्वयमे अइना असोज १० गतेके (सेप्टम्बर १०) दिन उ दिवस मनाइ लागल हो । शनिच्चरके रोज धनगढीमे पत्रकार सम्मेलन मार्फत दिवस मनैना बारे जानकारी डेहल हो ।

अपि हिमाल गाउँपालिकाके अध्यक्ष भक्तसिंह ठेकरे बोहरा अपि, नाम्पा हिमाल, काली ढुङगा ताल लगायत धार्मिक पर्यटकीय क्षेत्रके प्रचारप्रसारके लाग अपि वेश क्याम्पमे कार्यक्रम आयोजना करल जानकारी डेलै । उहाँ उहे कार्यक्रमके बिच भ्रमण वर्ष २०८० के उद्घाटन समेत कैना कार्यक्रम रहल जनैलै । ओस्टके उहाँ अपिहिमाल वेश क्याम्प प्रचार प्रसारके अभाव तथा पर्यटकीय पुर्वाधारके कारण ओझेलमे परल बटैलै ।

‘सुदूरपश्चिमके प्रमुख गनतब्यके रुपमे रहल अपिहिमाल वेश क्याम्प प्रचार प्रसारके अभाव तथा पर्यटकीय पुर्वाधार अभावके कारण आकर्षक गन्तब्यके रुपमे विकास हुइ सेकल नैरहे’, उहाँ कहलै–‘मने गाउँपालिकाके पहलमे अपिहिमाल वेश क्याम्पसम जैना पूर्वाधार निर्माण हुइल ओरसे इ बरस भ्रमण वर्षके रुपमे मनैना तयारी हुइल बा ।’

अध्यक्ष बोहरा गाउँपालिकाके वार्षिक नीति तथा कार्यक्रम ओ पालिकाके आवधिक योजनाके प्राथामिकताके क्षेत्र मध्ये पर्यटन फेन एक रहल ओरसे अइना पाँच बरस भित्रे प्रदेशके उत्कृष्ट पर्यटकीय गन्तव्य बनैना लक्ष्य लेहल बटाइल रहिट ।

उद्योग पर्यटन वन तथा वातारण मन्त्री रमेश धामी पर्यटन विकासके लाग प्रदेश सरकारसे एकीकृत पर्यटन पूर्वाधार विकास कार्यक्रम लानल जानकारी डेलै । उहाँ प्राथमिकता आधारमे पर्यटकीय गन्तव्यमे प्रदेश सरकार लगानी समेत लगैना बटाइल रहिट ।

भ्रमण वर्षमे अउइया पर्यटकहुक्रे अपि हिमाल वेश क्याम्प, नाम्पा हिमाल वेश क्याम्प, काली ढुङगा ताल, भभय ताल तथगा भभय हिमाल, नाउर, झालर, हिम चितुवा, डाँफे, अपिहिमालके संस्कृति तथा भेषभुषा मल्देसी संस्कृति, सौका समुदायके संस्कृति, हेरिटेज भिलेज सितोला, रिगुर, लुम्थि, खात्ति लगायतके गाउँ, क्षेत्ति घाजिर धार्मिक क्षेत्र, सुर्मा भवानी मन्दिर, महादेव मन्दिर लगायत घुमे तथा अवलोकन करे सेकजैना जनाइल बा ।

जनाअवजको टिप्पणीहरू