टास्क फोर्स ओ समुदायके अगुवाहुकनके लाग आत्मरक्षा तालिम
पहुरा समाचारदाता
हसुलिया, ३० भदौ । टास्क फोर्स ओ समुदायके अगुवाहुकनके लाग हसुलियामे तीन दिने आत्मरक्षा तालिम सम्पन्न हुइल बा ।
बहुउद्देश्यीय विकास समाज डडेल्धुराके आयोजना तथा कैलारी गाउँपालिकाके समन्वयमे ‘बाढी पहिरो उच्च जोखिमको पूर्व तयारी तथा प्रतिकार्य परियोजना’ अन्र्तगत टास्क फोर्स ओ समुदायके अगुवाहुकनके लाग आत्मरक्षा तालिम हुइल हो ।
तालिम समापन कार्यक्रममे वडका पहुना कैलारी गाउँपालिका अध्यक्ष राजसमझ चौधरी ओ विशिष्ठ पहुना गाउँपालिका उपाध्यक्ष भगवतीकुमारी चौधरी रहल रहिट ।
कार्यक्रममे सम्बोधन करटी गाउँपालिका अध्यक्ष राजसमझ चौधरी कैलारी गाउँपालिका बाढ ओ आगलागीके जोखिममे रहल बटैलै । उहाँ कहलै, बर्खाके समयमे बाढके समस्या बा कलेसे बैशाख महिनामे आगलागीमे समस्या रहल उहाँ बटैलै । २०७९ सालमे कैलारी गाउँपालिका वडा नम्बर विपतपुरमे आगलागि हुईबेर भारी क्षति व्यहोरृे परल बटैलै । कैलारी गाउँपालिका छिमेकी पालिकासे मिल्के डमकल ल्यान बटैलै ।
कार्यक्रममे गाउँपालिका उपाध्यक्ष भगवतीकुमारी चौधरी विपत जबफे आइसेक्ना ओरसे सामान तयारी अवस्थामे झटपट झोट धरले रहना आवश्यक रहल बटैली । तीन तालिममे शैद्धान्तिक संगे व्यवहारिक ज्ञान शिखल ओरसे विपत आगिलेसे व्यवहारमे लागु कैना उहाँ आग्रह करली ।
कार्यक्रममे कैलारी गाउँपालिका–७ के कार्यवाहक वडा अध्यक्ष सुन्दरी चौधरी, नेपाल रेडक्रस सोसाइटी धनसिंहपुर उपशाखाके प्रमुख तथा तालिमके मुख्य प्रशिक्षक रतन टमट्टा लगागत मन्तव्य व्यक्त करल रहिट । कार्यक्रममे वडा नम्बर४ वडा अध्यक्ष ठागुराम चौधरी, कार्यपालिका सदस्य, वडा सदस्य, टास्क फोर्सके प्रतिनिधि, सामुदायिक अगुवाहुकनके सहभागिता रहल रहे ।
कार्यक्रम बहुउद्देश्यीय विकास समाज डडेल्धुराके कार्यक्रम संयोजक शिवराज पाठकके अध्यक्षतामे हुइल समापनके संचालन राजेन्द्र रैका करल रहिट ।
–
–
