थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ बैशाख २६४८, सोम्मार ]
[ वि.सं ३ बैशाख २०८१, सोमबार ]
[ 15 Apr 2024, Monday ]

डेउडा संस्कृति संरक्षण प्रतिष्ठानके बार्षिक साधारणसभा सम्पन्न

पहुरा | १५ आश्विन २०८०, सोमबार
डेउडा संस्कृति संरक्षण प्रतिष्ठानके बार्षिक साधारणसभा सम्पन्न

पहुरा समचारदाता
धनगढी, १५ कुवाँर ।
डेउडा संस्कृति संरक्षण प्रतिष्ठानके प्रथम बार्षिक साधारणसभा गोदाबरी नगरपालिकाके लालपुरमे सम्पन्न हुइल बा ।

साधारणसभाके एक भब्य समारोहके बिच कार्यक्रमके प्रमुख अतिथि एंव सुदूरपश्चिम प्रज्ञा प्रतिष्ठानके उपकुलपति डा.टि.एन.जोशी उदघाटन करले रहिट ।

बार्षिक साधारणसभामे प्रतिष्ठानके कोषाध्यक्ष रत्ना भण्डारी रु ६ लाख २३ हजार ५ सय बराबरके आय ओ ५ लाख ८८ हजार ३५५ बराबरके ब्ययसहितके बार्षिक लेखा परिक्षण प्रतिवेदन प्रस्तुत करल रहिट । कार्यक्रममे सुदूरपश्चिम प्रज्ञा प्रतिष्ठानके उपकुलपति डा.टि.एन. जोशी, गोदावरी नगरपालिका–६ क अध्यक्ष जग्गुराम चौधरी, दुर्गालक्ष्मी बहुमुखी क्याम्पसके प्रमुख नरेन्द्र बहादुर ऐर, मानवअधिकार संरक्षण मंच नेपालके प्रदेश सचिव राजेन्द्र रैका, सुदूरपश्चिम कला प्रतिष्ठानके महासचिव गुणाकर पनेरु लगायत मन्तब्य करले रहिट ।

कार्यक्रममे सुदूरपश्चिमके टमान क्षेत्रके कलाकारहुक्रे डेउडा, नृत्य, कविता,गीत लगायतके प्रस्तुति राखल रहिट ।
कार्यक्रम प्रतिष्ठानके अध्यक्ष एंव साँस्कृतिक अभियन्ता ध्रुुब बहादुर सिँह के अध्यक्षतामे हुइल रहे ।

जनाअवजको टिप्पणीहरू