थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

इजरायल आक्रमणमे सुदूरपश्चिमके ७ सहित १० नेपालीके मृत्यु

पहुरा | २२ आश्विन २०८०, सोमबार
इजरायल आक्रमणमे सुदूरपश्चिमके ७ सहित १० नेपालीके मृत्यु

पहुरा समाचारदाता
काठमाण्डौ, २२ कुवाँर ।
प्यालेस्टायनी कट्टरपन्थी समूह हमाससे इजरायलमे करल आक्रमणमे परके १० जाने नेपालीके मृत्यु हुइल पुष्टि हुइल बा ।

अन्य चारजानेक उपचार हुइटी रहल बा । और दुई जाने फार्मर ओ प्रहरीके सुरक्षामे बटै कलेसे एकजाने बेपत्ता रहल तेल अभिवस्थित नेपाली दूतावास स्रोत जनैले बा । मने यी बारे दूतावाससे औपचारिक जानकारी करैले नइहो ।

गैरआवासीय नेपाली संघ (एनआरएन) इजरायलके अध्यक्ष कृष्ण भण्डारीसे डेहल जानकारीअनुसार, हमासके आक्रमणमे मृत्यु हुइलमे कैलाली घोडाघोडी– ४ के नारायणप्रसाद न्यौपाने, कैलाली बौनिया–३ के आशीष चौधरी, दार्चुला लेकमा–५ के दीपेशराज विष्ट, दार्चुला मालिकार्जुन– ४ के लोकेन्द्रसिंह धामी, बझाङ जयपृथ्वी– ६ के गणेशकुमार नेपाली, धनुषा सपाही– ६ के आनन्द साह, सुनसरी मधुवन–१ के राजेशकुमार स्वर्णकार, डोटी पचनली– ३ के राजन फुलारा, डोटीके लमिखाल– ८ के पदम थापा ओ सल्यान सारदा–३ के प्रवेश भण्डारी बटै ।

अन्य चार जाने अस्पतालमे उपचाररत बटै । घाहिलहुकनमे सल्यान सारदा– २ के विधान सेजवाल, दाङ दङगीशरण–३ के प्रवीण डाँगी, कैलाली टीकापुर– ९ के धनबहादुर चौधरी, गोरखा– ८ गोर्खाके हिमान्चल कट्टेल ओ कंचनपुर भीमदत्त–३ के विपिन जोशी बटै ।

सल्यान त्रिवेणी– १ के प्रमोद केसी बोस कस्टडी (रोजगारदाता किसानके संरक्षणमे) ओ कैलाली भजनी त्रिशक्ती–४ के वीरेन्द्र चौधरी प्रहरी कस्डडीमे सुरक्षित बाटै ।

१७ जाने नेपाली विद्यार्थी रहल सेदोत नेगेभमे हमासके आक्रमणपाछे शनिच्चर १७ मध्ये १२ नेपाली विद्यार्थी सम्पर्कविहीन रहिट । उ मध्ये १० जानेक मृत्यु हुइल अध्यक्ष भण्डारी बटैलै ।

प्रभावित सक्कु विद्यार्थी सुदूरपश्चिम विश्वविद्यालय कृषि संकायअन्तर्गत (टिकापुर बहुमुखी क्याम्पस ) के रहल बटाइल बा ।
इजरायलमे सिख्टी कमैटी कार्यक्रमअन्तर्गत कुल २ सय ६५ विद्यार्थी इजरायल गैल बटै । उ मध्ये ४९ जाने सुदूरपश्चिम विश्वविद्यालयके हुइट । ओम्नेफे प्रभावित १७ जाने सुदूरपश्चिम विश्वविद्यालयके हुइट ।

जनाअवजको टिप्पणीहरू