पालिकास्तरीय परियोजना परिचयात्मक कार्यक्रम

पहुरा समाचारदाता
सुखड, २$ कुवाँर । कैलालीके घोडाघोडीमे पालिकास्तरीय परियोजना परिचयात्मक कार्यक्रम सम्पन्न हुइल बा ।

दिगो विकास समाज भजनी, बाल कल्याण संघ टीकापुर तथा वल्र्ड भिजन इन्टरनेशनल नेपालके संयुक्त आयोजनामे पालिकास्तरीय परियोजना परिचयात्मक कार्यक्रम हुइल हो । पालिकास्तरीय परियोजना परिचयात्मक कार्यक्रममे गैल वर्ष सञ्चालित कार्यक्रमके समीक्षा तथा नयाँ वर्ष सन २०२३ के नयाँ कार्यक्रम सार्वजनिक करल रहे ।

वल्र्ड भिजन इन्टरनेशनल नेपाल तथा बाल कल्याण संघ टीकापुरसे सञ्चालित बाल इस्पोन्सर परियोजना कार्यक्रमके पर्शु चौधरी आर्थिक वर्ष २०२३ मे यी नगरपालिकामे करल काम ओ आब अइना २०२४ मे परियोजनासे कैना कामके बारेमे सहभागीहुकनहे जानकारी करैले रहिट ।

ओस्टेक करके वल्र्ड भिजन इन्टरनेशनल नेपाल तथा दिगो विकास समाज भजनीसे सञ्चालित पोषण तथा उत्थानशील जिविकोपार्जन परियोजनाके अधिकृत प्रभुनाथ ढकाल यी नगरपालिकामे आर्थिक वर्ष २०२३ मे करल काम ओ अब अइना २०२४ मे परियोजनासे का कैसिन काम करी कनाबारे जानकारी करैले रहिट ।

बाल कल्याण संघ टीकापुरसे यी पालिकामे बाल इस्पोन्सर परियोजना कार्यक्रम संचालन करले बा कलेसे दिगो विकास समाजसे पोषण तथा उत्थानशील जीविकोपार्जन परियोजना संचालन करके काम करटी रहल बा ।

परियोजनाके प्रस्तुतीकरण पश्चात सहभागीसंग छलफल करल रहे । छलफलके सहजीकरण बाल कल्याण संघ टीकापुरके मिल अधिकृत मिट्ठु हुड्के करल रहिट । छलफल कार्यक्रममे सहभागी टमान सुझाव तथा टिप्पणी समेत करल रहिट ।
दिगो विकास समाज भजनीके पोषण तथा उत्थानशील जीविकोपार्जन परियोजना अधिकृत प्रभुनाथ ढकालके सभाध्यक्षमे हुइल कार्यक्रममे प्रमुख अतिथि घोडाघोडी नगरपालिकाके नगर प्रमुख खडकबहादुर रावत तथा विशिष्ट अतिथि नगर उपप्रमुख गुलिया कुमारी चौधरी रहल रहिट । पालिकास्तरीय परियोजना परिचयात्मक कार्यक्रम निमित्त प्रमुख प्रशासकीय अधिकृत, वडा अध्यक्ष, शाखाके प्रमुख, दिगो विकास समाज भजनी ओ बाल कल्याण संघ टीकापुरक कर्मचारीहुकनके सहभागी रहल रहे ।