थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०२ सावन २६४८, बुध ]
[ वि.सं २ श्रावण २०८१, बुधबार ]
[ 17 Jul 2024, Wednesday ]

समाजहे सचेत परटी बालअधिकार चेतना समुह

पहुरा | २४ आश्विन २०८०, बुधबार
समाजहे सचेत परटी बालअधिकार चेतना समुह

पहुरा समाचारदाता
धनगढी, २४ कुवाँर ।
विद्यालय स्तरमे गठन हुइल बालअधिकार चेतना समुह समाजहे सचेत बनैनामे सहयोग पुगैटी रहल बा ।

अनौपचारिक क्षेत्र सेवा केन्द्र (इन्सेक) सुदूरपश्चिम कार्यालय, धनगढीके आयोजनामे बुधके रोज धनगढीमे सुदूरपश्चिम प्रदेश स्तरीय बालअधिकर चेतना समुहके बैठकमे बालअधिकार चेतना समुहके प्रतिहुक्रे अपने समाज परिवर्तनके लाग टमान गतिविधि संचालन करल बटैलै ।

बालअधिकार चेतना समुहके अध्यक्ष आरती सेठी इन्सेक आो विद्यालयके अतिरिक्त कृयाकलाप बाहेक अपने टमान प्रतियोगितामे पुरस्कार पाइल पैसासे विद्यालयमे कोष जम्मा करके उहे कोषके रकमसे विद्यालयमे अपनही कार्यक्रम सञ्चालन करके उहे रकमसे अन्य विद्यार्थीहे पुरस्कार वितरण कैना करल बटैली ।

विमल लामिछाने विद्यालयमे बालअधिकार चेतना समुहसे सरसफाई करके नइगल्न फोहर व्यवस्थापनके लाग पालिकासंग समन्वय करटी रहल बटैलै । निशा सञ्ज्याल बालअधिकार चेतना समुहसे लागुपदार्थ दुव्र्यशनी विरुद्ध सडक नाटक देखाईबेर अपनेसे भारी कक्षाके विद्यार्थीहुक्रे सहभागी हुके सहयोग करल बटैली ।

भावना राना बालअधिकार चेतना समुहसे लागुपदार्थ दुव्र्यशनी विरुद्ध सडक नाटक देखाईबेर सडक नाटकके प्रभावसे समुदायमे चुरोट खउइययाके सङ्ख्यामे कम हुइटी गैल बटैलै ।

एलिजा चौधरीसे विद्यालयमे अतिरिक्त कृयाकलापके कारण विद्यार्थीहुकनके क्षमताके विकास हुइटी गैल ओ बाल अधिकार चेतना समुहसे खाजा खर्चके पैसा जम्मा करके विद्यालयमे अपनही सचेतनामुलक कार्यक्रम संचालन करटी रहल बटैली ।
अनमिका चौधरी बालअधिकार चेतना समुहके पहल ओ शिक्षकहुकनके समन्वयमे विद्यालयमे फोहोर व्यवस्थापनके लाग डस्टविन ओ धारामे सावुन धारल बटैली । चर्पी प्रयोगपाछे साबुन पानीसे हात धोइना जरुरी रहल ओरसे अपनसे टरेक कक्षाके विद्यार्थीनहे समेट ज्ञान डेहल उहाँ जनैली ।

सुरिस्मा चौधरी विद्यालयमे बालअधिकार चेतना समुह गठन हुइन आघे विद्यालयमे छात्राहुक्रे महिनावारी हुके एक ठो केल सेनेटरीप्याड डेना करल हुइलेसेफे अब्बे बाल अधिकार चेतना समुहके पहलमे अब्बे आवश्यकताके आधरमे डेना बटैली ।
बालअधिकार चेतना समुहके सचिव राघव तिरुवा बालअधिकार चेतना समुह गठन हुइल थेनसे विद्यालयमे पठनपाठन वाहेक बालभित्ते पत्रिका प्रकाशनमे नाम प्रकाशन हुइलपाछे विद्यार्थीहुकनके प्रतिभाके प्रस्फुटनसंगे सहभागिता बह्रल बटैलै ।

इन्सेक प्रदेश संयोजक खडकराज जोशी बालअधिकार चेतना समुहसे अपने अनुशासनमे रहिके बालअधिकारके लाग विद्यालयमे मजासे पठनपाठन हुइल नइहुइल, वातावरण संरक्षणके लाग अपने बैठल ठाउँ तथा विद्यालयके वरपर सरसफाई, समाजमे हुइल वालविावह ओ बालबालिका कुलतमे फस्ना हुइल ओरसे यैसिन गतिविधीहे न्युनिकरण कैना सामुहिक रुपमे आवाज उठैना ओ सडक नाटक मार्फत जनचेतना फैलैना आवश्यक रहल बटैलै ।
उहाँ स्वस्थ रहेक लाग वृक्षरोपण तथा वातावरण संरक्षण कैना ओ प्लाष्टिक जन्य वस्तु जरैलेसे मनैनके स्वास्थ्यमे पर्ना नकरात्मक असरबारे अपने सचेत हुके औरहफे सचेत रहन आग्रह करलै ।

जनाअवजको टिप्पणीहरू