थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ सावन २६४८, बिफे ]
[ वि.सं ३ श्रावण २०८१, बिहीबार ]
[ 18 Jul 2024, Thursday ]

पालिकास्तरीय परियोजना परिचयात्मक कार्यक्रम

पहुरा | २५ आश्विन २०८०, बिहीबार
पालिकास्तरीय परियोजना परिचयात्मक कार्यक्रम

पहुरा समाचारदाता
हसुलिया, २५ कुवाँर ।
कैलालीके हसुलियामे पालिकास्तरीय परियोजना परिचयात्मक कार्यक्रम सम्पन्न हुइल बा ।

कैलारी गाउँपालिकाके समन्वयमे दिगो विकास समाज भजनी, बाल कल्याण संघ टीकापुर तथा वल्र्ड भिजन इन्टरनेशनल नेपालके संयुक्त आयोजनामे विफेक रोज पालिकास्तरीय परियोजना परिचयात्मक कार्यक्रम हुइल हो । पालिकास्तरीय परियोजना परिचयात्मक कार्यक्रममे गैल वर्ष सञ्चालित कार्यक्रमके समीक्षा तथा नयाँ वर्ष सन २०२३ के नयाँ कार्यक्रम सार्वजनिक करल रहे ।

कैलारी गाउँपालिका अध्यक्ष राजसमझ चौधरीके वडका पहुनामे हुइल कार्यक्रममे विशिष्ट पहुना गाउँपालिका उपाध्यक्ष भगवतीकुमारी चौधरी रहल रहिट । कार्यक्रममे बोल्टी गाउँपालिका अध्यक्ष राजसमझ चौधरी बाल कल्याण संघ ओ दिगो विकास समाजसे कैटी रहल कार्यमे गाउँपालिका सदैव सहकार्य कैना तत्पर रना बटैलै ।

गाउँपालिका उपाध्यक्ष भगवतीकुमारी चौधरी बाल कल्याण संघ ओ दिगो विकास समाजसे वडा नम्बर ८ मे संचालन करल काम मजा रहल बटैली । उ कार्यक्रमसे बालबालिकाहुकनके शैक्षिक स्तरमे सुधार हुइनाके साथे किसानहुकनके जिविकोपार्जनमे सुधार हुइल बटैली ।

वडा नम्बर ८ के वडा अध्यक्ष तारामल कठरिया दुनु संस्थाहे वडाके सक्कु क्षेत्रहे समेट डेना आग्रह करलै ।

कार्यक्रममे वल्र्ड भिजन इन्टरनेशनल नेपाल तथा बाल कल्याण संघ टीकापुरसे सञ्चालित बाल इस्पोन्सर परियोजना कार्यक्रमके पर्शु चौधरी आर्थिक वर्ष २०२३ मे यी नगरपालिकामे करल काम ओ आब अइना २०२४ मे परियोजनासे कैना कामके बारेमे सहभागीहुकनहे जानकारी करैले रहिट ।

ओस्टेक करके वल्र्ड भिजन इन्टरनेशनल नेपाल तथा दिगो विकास समाज भजनीसे कैलारी गाउँपालिकाके वडा नम्बर ८ मे सञ्चालित कार्यक्रमबारे दिगो विकास समाजके छेदुलाल चौधरी आर्थिक वर्ष २०२३ मे करल काम ओ अब अइना २०२४ मे परियोजनासे का कैसिन काम करी कनाबारे जानकारी करैले रहिट ।

बालकल्याण संघ टीकापुर÷ वल्र्ड भिजन इन्टरनेशनलसे बाल स्पोन्सरशिप तथा संरक्षण परियोजना अन्र्तगत आर्थिक बर्ष २०८०÷०८१ सालमे टमान कार्यक्रमके लाग ७ लाख ३२ हजार १०५ रुप्या बजेट विनियोजन करले बा । ओस्टेक करके दिगो विकास समाजसे आर्थिक बर्ष २०८०÷०८१ सालमे टमान कार्यक्रमके लाग ५ लाख २५ हजार ४८८ रुप्या बजेट विनियोजन करले बा ।

बाल कल्याण संघ टीकापुरसे यी पालिकामे बाल इस्पोन्सर परियोजना कार्यक्रम संचालन करले बा कलेसे दिगो विकास समाजसे पोषण तथा उत्थानशील जीविकोपार्जन परियोजना संचालन करके काम करटी रहल बा ।

परियोजनाके प्रस्तुतीकरण पश्चात सहभागीसंग छलफल करल रहे । छलफल कार्यक्रममे सहभागी टमान सुझाव तथा टिप्पणी समेत करल रहिट ।

मनोपरामर्शकर्ता विष्णा चौधरीके अध्यक्षतामे हुइल छलफल कार्यक्रमके संचालन बाल कल्याण संघ टीकापुरके सोनुराम चौधरी ओ स्वागत मन्तव्य दिगो विकास समाजके सुरज चौधरी करल रहिट । पालिकास्तरीय परियोजना परिचयात्मक कार्यक्रम प्रमुख प्रशासकीय अधिकृत विरबहादुर ऐर, सामाजिक विकास शाखा प्रमुख यगम कलेल, वडा अध्यक्ष, शाखाके प्रमुख, कार्यपालिका सदस्य, दिगो विकास समाज भजनी ओ बाल कल्याण संघ टीकापुरक कर्मचारीहुकनके सहभागी रहल रहे ।

जनाअवजको टिप्पणीहरू