थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ बैशाख २६४८, सोम्मार ]
[ वि.सं ३ बैशाख २०८१, सोमबार ]
[ 15 Apr 2024, Monday ]

भगवती मन्दिरमे दुर्गा माताके मुर्ति स्थापना

पहुरा | २८ आश्विन २०८०, आईतवार
भगवती मन्दिरमे दुर्गा माताके मुर्ति स्थापना

पहुरा समाचारदाता
हसुलिया, २८ कुवाँर ।
कैलाली जिल्लाके कैलारी गाउँपालिका–४ के गाउँमे भगवती मन्दिरमे दुर्गा माताके मुर्ति स्थापना कैगिल बा ।

घटस्थापनाके अवसरमे अँटवारके रोज गाउँपालिका उपाध्यक्ष भगवतीकुमारी चौधरी व्यानर पह्रके दुर्गा माताके मुर्ति स्थापनाके उदघाटन करल रहिट । उहे अवसरमे उहाँ दुर्गा माता सक्कु जानेक कल्याण करिट कहटी डसिया डेवारीके शुभकामनाफे डेहल रहिट । उहीसे आघे पण्डित लक्ष्मीराज अवस्थी विधिवत रुपमे पुजा कैके मन्दिरमे मुर्ति धारल रहिट ।

कैलारी गाउँपालिका वडा नम्बर ४ के वडा अध्यक्ष ठागुराम चौधरीके अध्यक्षतामे हुइल कार्यक्रममे वडा नम्बर ६ के वडा अध्यक्ष प्रेमबहादुर चौधरी, गाउँपालिका उपाध्यक्षके स्वकीय सचिव रामकृष्ण चौधरी, कार्यपालिका सदस्य लालबहादुर विक, वडा सदस्य हरिद्वारी चौधरी, मोहनलाल चौधरी, लक्ष्मी चौधरी, सुवा परियार, वडा सचिव श्री प्रसाद चौधरी, वडा नम्बर ४ के सक्कु भल्मन्सा, भक्तजन, वडा नम्बरके स्थानीयहुकनके सहभागिता रहल रहे । मुर्ति स्थापना आघे दुर्गा माताके मुर्तिहे गाउँ परिक्रम करागिल रहे ।

जनाअवजको टिप्पणीहरू