थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत ०३ फागुन २६४८, शनिच्चर ]
[ वि.सं ३ फाल्गुन २०८१, शनिबार ]
[ 15 Feb 2025, Saturday ]

प्रहरी आपन गरिमा कायम राखेपरलः मुख्यमन्त्री शाह

पहुरा | ३० आश्विन २०८०, मंगलवार
प्रहरी आपन गरिमा कायम राखेपरलः मुख्यमन्त्री शाह

पहुरा समाचारदाता
धनगढी, ३० कुँवार ।
सुदूरपश्चिम प्रदेशके मुख्यमन्त्री कमलबहादुर शाह नेपाल प्रहरी आपन गरिमा कायम राखे पर्ना बटैले बाटै ।

६८ औं प्रहरी दिवसके अवसरमे प्रदेश प्रहरी कार्यालयसे धनगढीमे आयोजना करल कार्यक्रमहे सम्बोधन कैटी उहाँ ओइसीन बटाइल हुइट । नेपाल प्रहरीसे जनताहे साथमे लेके आपन गरिमाहे कायम रख्ना विश्वास व्यक्त करल हुइट । विविध समस्याके बाबजुद नेपाल प्रहरी जनताके सुरक्षामे खटल उहाँ बटैलै ।

उहाँ प्रदेशके दूरदराजमे रहल प्रहरीके व्यवस्थापनमे प्रदेश सरकारसहित सरोकारवाला सक्कु निकाय चुकल बटैलै । शान्ति, सुरक्षा कायमके लाग कुनाकन्दरामे खटल प्रहरी टमान समस्या भोग्टी रहल मुख्यमन्त्री शाहके कहाइ रहल बा । उहाँ नेपाल प्रहरीहे प्रदेश सरकारसे स्रोत, साधनसे सेकटसम प्रहरीहे जैसिन फेन सहयोग कैना तयार रहल बटैलै । मुख्यमन्त्री शाह स्थापनाकालसे टमान आरोह अवरोह पार कैटी नेपाल प्रहरी इ अवस्थासम आइल बटैलै ।

नेपाल प्रहरी असवचलित होके नेपाली जनताहे शान्ति, सुरक्षा डेना सदैव तत्पर रहल मुख्यमन्त्रीके कहाइ बा । “विगतमे ढेर समस्या रहे ओ अब्बे फेन भौतिक, प्राविधिकलगायतके समस्या बावै” उहाँ कहलै, “समस्याके बाबजुद फेन नेपाल प्रहरी जनताके सुरक्षाके लाग अविचलित होके काम करटी रहल बा ।”

नेपाल प्रहरी आपन स्थापनाकालसे नै जनताके जिउज्यानके सुरक्षाके लाग अहोरात्र खट्टी रहल सुदूरपश्चिम प्रदेश प्रहरी प्रमुख प्रहरी नायब महानिरीक्षक भरतबहादुर बोहरा बटैलै । उहाँ अब्बे टरटिहुवार आइल ओरसे टरटिहुवार लक्षित सुरक्षा व्यवस्था मिलाइल बटैलै । दिवसके अवसरमे अमर प्रहरीहे श्रद्धाञ्जलि अर्पण करल रहे । ओस्टके, अमर प्रहरीके परिवारसहित टमान व्यक्तिहे सम्मानित करल बा ।

जनाअवजको टिप्पणीहरू