नेपाल राष्ट्र बैंक धनगढीमे माछापुच्छ्रे बैंकके क्युआर कोड सेवा मार्फत सटही सुविधा
पहुरा समाचारदाता
धनगढी, १ कार्तिक । नेपाल राष्ट्र बैंक धनगढी कार्यालयमे माछापुच्छ्रे बैंकके क्युआर कोड सेवा मार्फत सटही सुविधा लेहे सेक्ना हुइल बा ।
बर्का डसिया ओ डेवारीहे केन्द्रित कैके नेपाली नोट सटही करे चाहल सेवाग्राहीहे प्रत्यक्ष लाभान्वित हुइना मेरके डिजिटल भुक्तानी सेवाहे बढवा डेना उद्देश्यके साथ माछापुच्छ्रे बैंकसे नेपाल राष्ट्र बैंक धनगढी कार्यालयमे क्युआर कोड सेवा सञ्चालनमे लानल हो ।
उ क्युआर कोड सेवा नेपाल राष्ट्र बैंकके निर्देशक बिनोद राज लेखक ओ माछापुच्छ्रे बैंक सुदूरपश्चिम प्रदेश प्रमुख मनिष उपाध्याय संयुक्त रूपमे हस्ताक्षर कैके कुँवार २९ गतेसे सेवा सञ्चालनमे आइल हो । उक्त सेवासे नेपाल राष्ट्र बैंकमे नयाँ नेपाली नोट तथा भारु सटही लेहे अउइया सेवाग्राहीहुक्रे (क्यु.आर) मार्फत भुक्तानी कैके सटही सुविधा लेहे सेकजैना बा । जिहीसे सेवाग्राहीहुक्रनके काम छिटोछरितो होके नगदरहित कारोबारहे समेत टेवा पुग्ना नेपाल राष्ट्र बैंकके निर्देशक बिनोद राज लेखकके कहाइ रहल बा ।
इ बाहेक फरक फरक माध्यम मार्फत डिजिटल भुक्तानी सुविधाहे सहज बनाइक लाग आपन ग्राहकहुक्रनके लाग नवीन उत्पादन ओ सेवा लानक लाग ल्याउन माछापुच्छ्रे बैंक तत्पर रहल बैंकके सुदूरपश्चिम प्रदेश प्रमुख मनिष उपाध्याय बटैलै ।
ओस्टके, बैंकसे नगदरहित बैकिङ्गहे बढवा डेटी पहिल डिजिटल स्मार्ट बैंकके रूपमे आपनहे स्थापित कैना लक्ष्यमे निरन्तर आघे बह्रटी रहल माछापुच्छ्रे बैंक धनगढीके शाखा प्रबन्धक शिवराज पाठक जानकारी डेलै ।
