टिसरा चरण अन्तर्गतके ‘स्मार्ट’ सडक बत्ती जडान

पहुरा समाचारदाता
धनगढी, २ कार्तिक । सुदूरपश्चिम प्रदेशके एक केल उपमहानगर धनगढीसे ’ओजरार धनगढी’ अभियान अन्तर्गत टिसरा चरणके ‘स्मार्ट’ सडक बत्ती जडान करके विफे बत्ती बरना कामके सुरुवात करले बा ।

उपमहानगरपालिकासे पहिल चरण अन्तर्गत स्मार्ट स्ट्रिट लाइट धनगढी–अत्तरिया ६ लेन सडक अन्तर्गत धनगढी क्षेत्रमे यी आघे बारसेकल बा । ८ मिटर स्टील ट्युबलर पोलमे दुई सय १२ थान, १२० वाट लाइन चार सय ३२ थान जडान करके बत्ती बरना काम हुइल हो ।

धनगढी उपमहानगरपालिकाके ६० तथा नेपाल विद्युत प्राधिकरण राष्ट्रिय सडक बत्ती प्रबद्र्धन आयोजनाके ४० प्रतिशत लागत साझेदारीमे दुई करोड ६१ लाख ७५ हजार ४६ रुप्या धनगढी ओ एक करोड ७ लाख ८३ हजार तीन सय ६४ रुपैयाँ प्राधिकरणके करके धनगढीमे ६ दशमलव ६ किलोमिटरमे स्मार्ट स्ट्रिट लाइट जडान करल रहे ।

ओस्टेक करके १६ मिटर उचाईमे धनगढीमे १५ थान हाइ माष्ट लाइट समेत उपमहानगरके ९७ लाख ४९ हजार ६ सय ४० रुपैयाँके एकल लगानीमे जडान हुके धनगढीहे ओजरार बनैना काम हुइल हो । ओस्टेक करके स्मार्ट सडक बत्ती तथा हाइमाष्ट ओ मिनी माष्ट लाइट जडान ओजरार धनगढी कार्यक्रम अन्तर्गत उपमहानगर ओ प्राधिकरणसंगके टिसरा चरणके सडक बत्ती जडान कैना २०८० असार १३ गते सम्झौता हुइल रहे ।

सम्झौताअनुसार उपमहानगरके ७० तथा प्राधिकरणके ३० प्रतिशत लागत सहभागिता रहना करके उ कार्यक्रम सञ्चालन हुइल रहे । चार करोड ८७ लाख ५९ हजार पाँच सय ९७ रुप्या २५ पैसा अनुमान करल बा । यकरलाग धनगढीसे ७० प्रतिशत रकमके ५० प्रतिशत रकमसे हुइ अइना एक करोड ७० लाख ६५ हजार ८ सय ४५ रुपैयाँ नेपाल विद्युत प्राधिकरण (राष्ट्रिय सडक बत्ती प्रबद्र्धन) कार्यक्रमहे पठाइल उपमहानगर जनैले बा ।

टिसरा चरणके बत्ती उदघाटन धनगढी चौराहसे भन्सारसम सुदूरपश्चिम प्रदेशके भौतिक पूर्वाधार विकासमन्त्री प्रकाशबहादुर देउवा ओ क्याम्पस रोडमे जडान करल बत्तीके उदघाटन उद्योग पर्यटन वन तथा वातावरणमन्त्री रमेश धामी करल हुइट ।