मुरगी फर्ममे आगलागी हुके टमान धनमाल जरके नष्ट

पहुरा समाचारदाता
धनगढी, ५ कार्तिक । अछाम जिल्ला चौरपाटी गा.पा. ५ लुङग्रा बैठना हर्क बहादुर बोहराके घरसे अन्दाजी ५०० मिटर दुरमे रहल टिन ओ जालीसे बनल खरसे छाइल मुरगी फर्ममे शनिच्चर साँझ बिजुलीके तार सट हुके आगलागी हुईबेर फर्ममे रहल अन्दाजी ६०० चिङगनी जरके नष्ट हुइल बटै ।

उ आगलागी प्रहरी ओ स्थानीयके सहयोगमे नियन्त्रणमे लेहल ओ यी सम्बन्धमे प्रहरीसे थप अनुसन्धान करटी रहल सुदूरपश्चिम प्रदेश प्रहरी कार्यालयके प्रवक्ता भरत चौधरी बटैलै ।