सवारी दुर्घटनामे एक जानेक मृत्यु

पहुरा समाचारदाता
धनगढी, ५ कार्तिक । कैलाली जिल्लाके गोदावरी न.पा.५ गेटास्थित भिटर सडक खण्डमे ट्याक्टर विलटके एक जानेक मृत्यु हुइल बा ।

से १ त ७९४५ नं. के ट्याक्टर अपनही अनियन्त्रित हुके नालीमे पल्टके शनिच्चर साँझ दुर्घटना हुके चालक गोदावरी न.पा. ८ बैठना बर्ष ३५ के रामकिशन चौधरीके मृत्यु हुइल हो । दुर्घटनामे गम्भीर घाहिल हुइल उहाँक पदमा अस्पताल अत्तरिया हुइटी मायामेट्रो अस्पताल घनगढीमे थप उपचारके क्रममे मृत्यु हुइल हो ।

दुर्घटनामे घाहिल हुइल उहे ट्याक्टरमे सवार वडा नम्बर ५ बरबटा बैठना बर्ष ३४ के बख्खु बि.क.के मायामेट्रो अस्पताल घनगढीमे उपचार हुइटी रलक जिल्ला प्रहरी कार्यालय कैलालीके प्रवक्ता कुलदिप चन्द बटैलै । दुर्घटनाके सम्बन्धमे प्रहरीसे आवश्यक अनुसन्धान कैटी रलक उहाँ जनैलै ।