थारु राष्ट्रिय दैनिक
भाषा, संस्कृति ओ समाचारमूलक पत्रिका
[ थारु सम्बत १६ अगहन २६४७, शनिच्चर ]
[ वि.सं १६ मंसिर २०८०, शनिबार ]
[ 02 Dec 2023, Saturday ]

विपद तथा जलवायू उत्थानशिल योजना निर्माण कार्यशाला गोष्ठी

पहुरा | १३ कार्तिक २०८०, सोमबार
विपद तथा जलवायू उत्थानशिल योजना निर्माण कार्यशाला गोष्ठी

पहुरा समाचारदाता
हसुलिया, १३ कार्तिक ।
कैलालीके कैलारी गाउँपालिका वडा नम्बर ४ मे वडा स्तरीय विपद तथा जलवायू उत्थानशिल याोजना निर्माण कार्यशाला गोष्ठी अँटवारके सम्पन्न हुइल बा ।

वडा नम्बर ४ के वडा अध्यक्ष ठागुराम चौधरीके अध्यक्षतामे हुइल कार्यक्रममे उहाँ वडा नम्बर ४ टमान विपदके जोखिममे रहल बटैलै । उहाँ कहलै, बाढ, कटानसंग्गे जंगली जनावर ओ छुट्टा गोरुनके कारण किसान हैरान हुइल बटै । छुट्टा गोरुनसे वाली नाली जोगैना चार जाने चौकीदारधारलफे उहाँ बटैलै । कार्याशालासे टमान योजना तयार हुइल ओरसे अइना दिनमे आवश्यकके आधारमे पूर्ति करटी जैनाफे उहाँ बटैलै ।

कार्यक्रममे एलडीसिपिआर परामर्शदाता लोकराज जोशी सहजीकरण करल रहिट । कार्याशालामे सहभागि वडा सदस्य, महिला स्वास्थ्य स्वम सेविका, भल्मन्सा, आमा समुह, जेष्ठ नागरिकलगायतसे समुह विभाजन करके वडामे विपद जोखिमके पहिचान, नक्साङकन कैनाके साथे योजना छनौटबारे छलफल कैगिल रहे ।

कार्यक्रममे कैलारी गाउँपालिकाके विपद व्यवस्थापन शाखा प्रमुख भुवन बखरिया, कार्यपालिका सदस्य लालबहादुर विक, वडा सदस्य मोहन लाल चौधरी, हरिद्वारी चौधरी, लक्ष्मी चौधरी, सुवा परियार, वडा सचिव श्री प्रसाद चौधरी, सेतो गुराँस बाल विकास सेवाके सुरज परियार, महिला स्वास्थ्य स्वम सेविका, भल्मन्सा, आमा समुह, जेष्ठ नागरिकलगायतके सहभागिता रहल रहे । कायैक्रम कैलारी गाउँपालिका विपद व्यवस्थापन शाखा कैलालीके आयोजना, वडा नम्बर ४ के समन्वय ओ नेपाल रेडक्रस सोसाइटी कैलालीके सहकार्यमे कार्यक्रमके हुइल हो ।

जनाअवजको टिप्पणीहरू