वातावरणसंगे ज्रीवनशैली बडल्ना आवश्यक
पहुरा समाचारदाता
हसुलिया, १४ कार्तिक । कैलालीके कैलारी गाउँपालिका वडा नम्बर ८ मे वडास्तरीय विपद तथा जलवायू उत्थानशिल याोजना निर्माण कार्यशाला गोष्ठी मंगरके सम्पन्न हुइल बा ।
कार्यक्रममे नेपाल रेडक्रस सोसाइटी कैलालीके उपसभापति जगदिश्वर पण्डित वातावरण परिवर्तनसे हमार सक्कु क्रियाकलापफे परिवर्तन करेपर्ना बटैलै । जौनफे काम करेबेर अब्बे विपदके नजरसे हेरे पर्ना अवस्था आइल ओ विपद व्यवस्थापन ओ विकास संगसंगे लैजाई पर्ना उपसभापति पण्डित बटैलै ।
वडा नम्बर ८ के वडा अध्यक्ष तारामल कठरियाके अध्यक्षतामे हुइल कार्यक्रममे विपद जोखिम न्यूनिकरणके लाग छलफल आवश्यक रहल बटैलै । उहाँ कहलै, वडा स्तरीय विपद तथा जलवायु उत्थानशिल योजनाके छनौटके लाग हुइल गोष्ठी महत्वपूर्ण बा ।
वडामे जौनफे मेरिक योजना बनाईबेर विपद व्यवस्थापन योजनाके समेटल योजनामे वडातहसे जैना ओ विशेष ध्यान डेजाई ।’
योजना छनौटके लाग सहयोग कैना यूनिसेफ नेपालहे ढेर धन्यावादफे डेटी उहाँ विपद जोखिम न्यूनिकरणके लाग वडा कार्यालय सद तत्पर रहल वडा अध्यक्ष तारामल बटैलै ।
कार्यक्रममे एलडीसिपिआर परामर्शदाता लोकराज जोशी सहजीकरण करल रहिट । कार्याशालामे सहभागि वडा सदस्य, महिला स्वास्थ्य स्वम सेविका, भल्मन्सा, आमा समुह, जेष्ठ नागरिकलगायतसे समुह विभाजन करके वडामे विपद जोखिमके पहिचान, नक्साङकन कैनाके साथे योजना छनौटबारे छलफल कैगिल रहे । कार्यक्रमके संचालन कैलारी गाउँपालिकाके विपद व्यवस्थापन शाखा फोकल पर्सन भुवन बखरिया करल रहिट ।
