किशोरकिशोरीहुकन मानसिक तथा मनोसामाजिक स्वास्थ्य तालिम

पहुरा समाचारदाता
टिकापुर, १६ कार्तिक । जोखिम ओ मनोसामाजिक समस्यामे परल बालबालिका, किशोरकिशोरीहुकनके लाग मानसिक तथा मनोसामाजिक स्वास्थ्य सम्बन्धी दुई दिने तालिम टिकापुर –८ बनगाउँमे रहल जितु कटेजमे डेगिल बा ।

वल्र्ड भिजन इन्टरनेश्नल नेपाल ओ बाल कल्याण संघके सयुक्त साझेदारीमे संचालित एकीकृत बाल सरक्षण तथा तथा सामुदायिक सहभागिता परियोजना अन्तर्गत टिकापुर नगरपालिकाके परियोजना संचालन हुइल वार्ड नम्बर ६,७,८ ओ ९ से २६ जाने परियोजनामे दर्ता हुइल बालबालिका, किशोरकिशोरीहुकनके उ तालिम डेगिल हो ।

कोभिड पाछे बालबालिकामे दिन प्रतिदिन मनोसमजिक समस्या बह्रटी गैल, जेकर कारण बालबालिकामे विद्यालय छोरना, बाल विवाह कैना, लागुपदार्थके प्रयोग ओ आत्माहत्या करुइयाके बालबालिकाके संख्या अत्यधिक डेखा परल कारणसे यी घटना न्यूनिकरणके लाग तालिमके आयोजना करल रहे ।

तालिममे मनोसामजिक समस्याके अवधारणा, मनोसामाजिक समस्या हुइना कारण, लक्षण तथा असर ओ प्रभाव, अपनही हेरचाह कैना उपाय, तनाव व्यवस्थापन ओ सामाना कैना सीपके विषयवस्तुमे छलफल हुइल रहे । उ तालिमके उदघाटन बालकल्याण संघ टीकापुरके अध्यक्ष धनबहादुर बि.क औपचारिक रूपमे उदघाटन करल रहिट ।

तालिमके सहजीकरण मनोपरामर्शकर्ता बिष्णा चौधरी ओ बाल कल्याण संघके कोषाध्यक्ष धनराज शाही करल रहिट । कार्यक्रम संचालन सामाजिक परिचालक धना चौधरी करल रही ।