मार्क्सवादी ज्ञान केन्द्रके प्रदेशमे दुर्गा प्रसाद भण्डारी

पहुरा समाचारदाता
टीकापुर, १६ कार्तिक । मार्क्सवादी ज्ञान केन्द्रके भर्चुअल माध्यमसे बुधके रात हुइल दुसरा प्रदेश भेलासे सर्वसम्मतिसे दुर्गाप्रसाद भण्डारीके अध्यक्षतामे १३ सदस्यीय कार्यसमिति चयन करले बा ।

नवनिर्वाचित प्रदेश समितिमे उपाध्यक्ष अर्जुन रावल, सचिव कमला ज्ञवाली, सहसचिव गणेशराज गिरी, कोषाध्यक्ष आशा भण्डारी रहल बटै । ओस्टेक करके सदस्यमे हरिप्रसाद जोशी, बलराम चौधरी, होमबहादुर साउँद ओ सुरेन्द्र देवकर रहल बटै । ४ सदस्य भूगोलके आधारमे पाछे कार्यसमितिके बैठकसे थप्न समेत भेलासे निर्णय करले बा ।

भेलाके उदघाटन सत्रहे प्रमुख अतिथि मार्क्सवादी ज्ञान केन्द्रके केन्द्रीय अध्यक्ष एवं प्रधानमन्त्रीके प्रेस विज्ञ कमरेड मनहरि तिमिल्सैना, विशिष्ट अतिथि क्रान्तिकारी कम्युनिस्ट पार्टी नेपालके केन्द्रीय कार्यालय सदस्य कमरेड गुणराज लोहनी, नेकपा एमालेके पुर्व प्रदेश सचिव तथा प्रदेश साँसद कमरेड धर्मराज पाठक, नेकपा माओवादी केन्द्रके प्रदेश सचिव कमरेड जनक बुढा, नेकपा एकीकृत समाजवादीके सुदूरपश्चिम प्रदेश सचिव कमरेड सुरेन्द्रमान कार्की सम्बोधन करल रहिट ।

नवनिर्वाचित कार्यसमितिहे प्रमुख अतिथि मनहरि तिमिल्सैना, बन्द सत्रके अध्यक्ष मण्डलके अध्यक्ष तथा ज्ञान केन्द्रके केन्द्रीय सचिव रेशमकुमार अधिकारी, केन्द्रीय कोषाध्यक्ष सागर अधिकारी, कोशी प्रदेश अध्यक्ष दुष्यन्त भट्टराई, बाग्मती प्रदेश अध्यक्ष कार्लविक्रम थापा, सुदुरपश्चिम पूर्व संयोजक राजुराम सार्की भुल, नेकपा एकीकृत समाजवादीके टीकापुर नगर अध्यक्ष तथा मार्क्सवादी अध्ययनकर्ता रंगप्रसाद अधिकारी, डा. चक्रप्रसाद अधिकारी, जगतप्रसाद उपाध्याय, शुभम विष्ट लगायत शुभकामना मन्तव्य सहित बधाई ज्ञापन करल रहिट । नवनिर्वाचित अध्यक्ष भण्डारी अइना कार्यकालके लाग समितिके ओरसे प्रतिवद्धता व्यक्त करले रहिट ।

यी आघे उदघाटन सत्रमे अध्यक्ष दुर्गाप्रसाद भण्डारी अध्यक्षता, उपाध्यक्ष अर्जुन रावल स्वागत ओ सचिव कमला ज्ञवाली सञ्चालन करल रहिट । बन्द सत्रके अध्यक्षता रेशमकुमार अधिकारी ओ सञ्चालन कमला ज्ञवाली करल रहिट । भेलामे टमान विशिष्ट व्यक्तित्वसहित ४६ जनहनहे सहभागिता रहल रहे ।