ट्याक्टर दुर्घटनामे एक जानेक मृत्यु

पहुरा समाचारदाता
डोटी, १६ कार्तिक । जोरायल गाउँपालिका–१ घोरडीस्थित सकडमे सु.प.प्र.०१००२ त ६७२३ नम्बरके ट्याक्टर अनियन्त्रित हुके बुधके दुपहर दुर्घटना हुके ट्याक्टरमे सवार कैलाली गौरीगंगा नगरपलिका–७ मटकोना बैठना १८ वर्षीय शलिन राना मास्केमगरके घटनास्थलमे मृत्यु हुइल बा । दुर्घटनामे घाहिल हुइल ट्याक्टरमे सवार अन्य १९ जनहनहे उपचारके लाग सेती प्रादेशिक अस्पताल धनगढी पठाइल बा ।
प्रहरीसे ट्याक्टर चालकहे नियन्त्रणमे लेके यी सम्बन्धमे आवश्यक अनुसन्धान करटी रहल बा ।