अबैध भन्सार छलीके सामानसहित एक जाने पक्राउ
पहुरा समाचारदाता
धनगढी, १७ कार्तिक । कैलाली कञ्चनपुरके टमान ठाउँसे भारतसे नानल अबैध सामान प्रहरी पक्राउ करले बा ।
धनगढी उ.म.न.पा.१० सिमलघाटसे अबैध रुपमे भारतसे भन्सार छली करके नानल ७६ हजार ३ सय बराबरके लेडिज सुट, उनी स्वीटर, प्लाष्टिक माला लगायतके सामान बरामद कैगिल बा । धनगढी उ.म.न.पा. २ भन्सार रोड लग्गेसे ४० हजार ३२० बराबरके चिनी, चप्पल, पित्तलके दिया, घण्टी, सप्तरंगी टिका लगायतके सामान, भजनी न.पा. ५ लखरैयासे १२ हजारके पोटास करके जम्मा अन्दाजी मूल्य रु.१ लाख २८ हजार ६२० बराबरके सामान विफेक रोज प्रहरी गस्ती टोली बेवारिसे अबस्थामे फेला पारके आवश्यक प्रकृया पुरा करके नियन्त्रणमे लेहल हो ।
कञ्चनपुरके पुनर्वास न.पा.११ डोके बजार स्थित गुम्बा लग्गेसे अबैध रुपमे भारतसे भन्सार छली करके ७६ हजार ७०० बराबरके लेडिज सुट, जेन्स कुर्ता सुरुवाल, लेडिज उनी स्वीटर लगायतके सामान बिफेक रोज प्रहरी गस्ती टोली बेवारिसे अबस्थाममे फेला पारके आवश्यक प्रकृया पुरा करके नियन्त्रणमे लेहल हो ।
ओस्टेक करके कञ्चनपुर जिल्ला भीमदत्त न.पा. वडा नम्वर ४ गल्ली नं. ५ स्थित रहल बैठना बसन्त जोशीसे संचालन करल महाकाली एग्रोभेट पसलसे अबैध रुपमे भन्सार छली करके नानल पाँच लाख पचास हजारके बराबरके डि.ए.पि. मल, युरिया मल, कोपीला पशु आहार, धनियाके बिउ लगायतके सामान बिफेक रोज साँझके जिल्ला प्रहरी कार्यालय कञ्चनपुरसे खटल प्रहरी गस्ती टोली फेला पारके आवश्यक प्रकृया पुरा करके नियन्त्रणमे लेहल हो ।
ओस्टेक करके कञ्चनपुर, दोधारा चाँदनी न.पा. १ नेपाल भारतके सिमा क्षेत्रमे रहल बयल बन्द लग्गे भन्सार छली करके अबैध रुपमे भारतओर निर्यात कैना उद्देश्यसे लुकाई छिपाई धारल मेड इन चीन लिखल १०० ठो पेटी लाईटर ओ ओखर ६० के.जी. करके अन्दाजी मूल्य रु. छ लाख चौहत्तर हजारके बराबरके सामान बिफे रात ईलाका प्रहरी कार्यालय दोधारा चाँदनी कञ्चनपुरसे खटल प्रहरी गस्ती टोली फेला पारके सामानसहित उ कार्यमे संलग्न जिल्ला चम्पावत, पोष्ट अफिस बनबास,भारत घर रहल बर्ष ३८ के दिपक जोशीहे प्रहरी नियन्त्रणमे लेहल हो ।
