लुम्बिनी प्रदेशसे भूकम्प प्रभावित क्षेत्रमे पठाइल २५ चिकित्सक

पहुरा समाचारदाता
बुटवल, १८ कार्तिक । लुम्बिनी प्रदेशके २५ जाने चिकित्सकके टोली भूकम्प प्रभावित क्षेत्रमे प्रस्थान करले बटैं ।
जाजरकोट ओ रुकुम पश्चिममे भूकम्पसे घाहिलहुकनके उपचारके लाग दुई प्रादेशिक अस्पतालसे २५ जाने ढेर चिकित्सकके टोली भूकम्प प्रभावित क्षेत्रमे प्रस्थान करल हुइट ।

लुम्बिनी प्रदेशके मुख्यमन्त्री डिल्लीबहादुर चौधरी कर्णाली प्रदेश सरकारके मुख्यमन्त्रीसंग टेलिफोन संवाद करके स्वास्थ्यकर्मीके टोली प्रभावित पठाइल हुइट ।

दाङसे राप्ती प्रादेशिक अस्पताल तुल्सीपुरके मेसु डा. पदमराज अधिकारीके नेतृत्वमे २० जाने ओ लुम्बिनी प्रादेशिक अस्पतालसे पाँच जाने चिकित्सक औषधि ओ उपचार सामग्रीसहित प्रस्थान करल मुख्यमन्त्रीके प्रेस सल्लाहकार गोपाल भट्टराई जानकारी डेले । लुम्बिनी प्रादेशिक अस्पतालके एमडी जीपी डा. सुनिल सुनारके नेतृत्वमे पाँच जानेक टोली भूकम्प प्रभावित क्षेत्रओर प्रस्थान करल अस्पतालके मेडिकल सुपरिटेन्डेन डा. सुदर्शन थापा जानकारी डेलै ।

ओस्टेक करके सरकारके ओरसे प्रदेशके गृहमन्त्री सन्तोषकुमार पाण्डेयके नेतृत्वमे उद्धार टोलीफे गैल बा । भूकम्पमे परके घाहिल हुइलहुकनके उपचारके लाग लुम्बिनी प्रादेशिक अस्पतालमे बिरामी नाने पर्ना अवस्था आइल खण्डमे समेत सोही अनुसारके तयारी करल मेसु डा. थापा जानकारी डेलै ।