जाजरकोट भूकम्प पीडितहे ५० लाख डेना कांग्रेसके निर्णय
काठमाडौं,१८ कार्तिक । नेपाली कांग्रेससे जाजरकोट भूकम्पके उद्धार, राहत ओ पुनर्स्थापनाके लाग पार्टीके ओरसे ५० लाख सहयोग कैना हुइल बा ।
शनिच्चर कांग्रेसके केन्द्रीय कार्यालयके मुख्य सचिव कृष्णप्रसाद पौडेल विज्ञप्ति निकारके सहयोगके घोषणा करल हुुइट ।
जाजरकोटके रामीडाँडा केन्द्रविन्दु हुके शुकके रात ११ः४७ मे गैल ६.४ म्याग्निच्युडके भूकम्पके कारण जाजरकोट ओ रुकुम पश्चिमलगायतके क्षेत्रमे भारी संख्यामे मानवीय क्षति, भौतिक क्षति हुइल बा । सयौं घाहिल हुइल बटै ।
यी घटनासे समस्त नेपालीहे मर्माहत ओ दुःखी बनाइल उल्लेख करटी कांग्रेससे यैसिन समयमे सरकार, राजनैतिक दल, संघ–संस्था सक्कु एक हुके विपत्तिके सामना कैना सक्कुहुनमे अपील करले बा ।
यिहे क्रममे भूकम्प पीडितहुकनके उद्धार, राहत ओ पुनस्र्थापनाके लाग नेपाली कांग्रेससे रु.पचास लाख नेपाल सरकारहे उपलब्ध करैना निर्णय करल बा’ विज्ञप्तिमे कहल बा, ‘स्वदेश ओ विदेशमे रहल सक्कुहुनहे तन, मन ओ धनके साथ खुला हृदयसे मानवीय सेवाके अभियानमे जुट्न नेपाली कांग्रेस अपील करटा ।’
