डोटी शिखर काफली समाजके भेटघाट तथा छलफल कार्यक्रम
पहुरा समाचारदाता
धनगढी, १९ कार्तिक । डोटी जिल्लाके शिखर नगरपालिकामे पूर्खेउली घर रहल हाल कैलाली कंचनपुरमे बसोबास करटी आइल व्यक्ति विच भेटघाट तथा छलफल कार्यक्रम हुइल बा । शिखर काफली समाजके आयोजनामे उ भेटघाट तथा छलफल कार्यक्रम हुइल हो ।
कार्यक्रमके प्रमुख अतिथी एंव निवर्तमान सामाजिक विकास राज्यमन्त्री टेकबहादुर रैका कार्यक्रमसे आपसी सहयोग सहकार्य, एकता, सद्भाव, भातृत्वके विकास कैना विश्वास व्यक्त करलै । कार्यक्रममे सहभागीहुक्रे गैलरात भूकम्पके कारण जाजरकोट ओ रुकुम पश्चिममे हुइल भारी धनजनके क्षतिप्रति दुख व्यक्त करटी मृतकमे श्रद्धाञ्जली ओ घाहिलके सिघ्र स्वास्थ्य लाभके कामना करले बटै ।
कार्यक्रममे शिखर नगरपालिकाके निवर्तमान मेयर सिताराम जोशी, प्रतिभा सामुदायिक पुस्तकालयके अध्यक्ष पुष्पराज जोशी, अत्तरिया सामुदायिक खानेपानीके अध्यक्ष टिकादत्त जोशी, सुदूरपश्चिम विश्वविद्यालय प्रध्यापक संघका सभापति डा. राजेन्दविर चन्द, सामुदायिक विकास केन्द्रके अध्यक्ष हेम जोशी, शिखर काफली समाजके कोषाध्यक्ष पदम बहादुर जोरा लगायतसे शिखर काफली समाजसे डोटेली कला संस्कृति ओ पहिचान संरक्षणके क्षेत्रमेफे काम करे पर्नामे जोड डेहल रहिट कार्यक्रममे समाजके अध्यक्ष विष्णु महरा निकट भविष्यमे समाजसे शिखर दर्पण बुलेटिन,शिखर डायरी ओ समाजके अपने आवास भवन स्थापना कैना योजना रहल जानकारी करैटी ओकर लाग सहयोग कैना सक्कुह जनहनहे अनुरोध करले रहिट ।
समाजके सचिव जगन्नाथ जोरासे संचालित उ कार्यक्रम समाजके अध्यक्ष विष्णु महराके अध्यक्षतामे सम्पन्न हुइल रहे ।
