सवारी दुर्घटनामे चार जानेक मृत्यु

पहुरा समाचारदाता
धनगढी, १९ कार्तिक । धनगढीसे बाजुरा ओर जैटी रहल ग २ च २७७६ नम्बरके बोलेरो जिप डोटी जिल्ला शिखर न.पा. वडा नं. ०६ अण्यौल स्थित के.आई. सिंह राजमार्गमे दुर्घटना हुके चार जानेक मृत्यु हु्इल बा ।

जीप एक्कासी अनियन्त्रितह्ुक सडकसे अन्दाजी ५०÷६० मिटर तरे गिरके अँटवार सकारे अन्दाजी ०२ः२८ बजेओर दुर्घटना हुके उ बोलेरामे सवार चालक सहित १० जाने मध्ये, जिल्ला बाजुरा हिमाली गा.पा. ५ बैठना बर्ष २२ की राधिका मलाल, बर्ष ३२ के धनशोभा बुढा, धनशोभा बुढाके छावा बर्ष अन्दाजी ६ के कबिन्द्र बुढा, बिमला मलालके छाई अन्दाजी ८ महिनाके प्रार्थना मलालके घट्नास्थलमे मृत्यु हुइल सुदूरपश्चिम प्रदेश प्रहरी कार्यालय धनगढी जनैले बा ।

साथे दुर्घटनामे घाहिल हुइल बोलेरोमे सवार अन्य ५ जानेक शैलेश्वरी अस्पताल दिपायल डोटीमे उपचार हुइटी रहल बा । बोलेरो चालक जिल्ला बाजुरा,गौमुल गा.पा. वडा नं. ४ काँडाकोट बैठना बर्ष २१ के महेश बुढाहे प्रहरी नियन्त्रणमे लेहल बा । दुर्घटनाके सम्बन्धमे प्रहरी आवश्यक अनुसन्धान करटी रहल बा ।