प्रभावितदेखि परिवर्तनका संबाहक परियोजनाके समिक्षा

पहुरा समाचारदाता
हसुलिया, २२ कार्तिक । ओरेक नेपालसे कैलारी गाउँपालिकामे संचालित प्रभावितदेखि परिवर्तनका संबाहक परियोजनाके समिक्षा तथा हस्तान्तरण कार्यक्रम निम्जल बा ।

ओरेक नेपालसे २०६५ सालसे सन २०२३ सम संचालन कैलारीके वडा नम्बर ४ ओ ७ मे संचालित गतिविधिके समिक्षा कैगिल हो । कैलारी गाउँपालिकाके अध्यक्ष राजसमझ चौधरीके विशिष्ट आतिथ्यमे हुइल कार्यक्रममे ओेरेक नेपालके जिल्ला संयोजक गीता चौधरी परियोजनासे करल गतिविधिबारे जानकारी डेहल रहिट ।

ओरेक नेपालसे परियोजना अवधिभर वडास्तरके किशोरी संजाल २ ठो वडा नं. ४ ओ ७ गठन करले बा । वडास्तरके युवा संजाल २ ठो वडा नं. ४ ओ ७ मे, महिला समुह ५ ठो वडा नं. ५, ७ ओ ४ मे गठन हुइल उहाँ जनैली ।
शिक्षामे सहयोग १६ जनहन कैैगिल बा । जेम्ने १० जाने ओरेकसे ओ ६ जाने सिफारिस करके अन्य संस्थासे कैगिल बा । जिविकोपार्जन सहयोग ८ जनहनहे, उपचार सेवा ४, जन्मदर्ता बनैना सहयोग ४, सुरक्षा आवास सेवा ५, हिंसाके घट्ना अभिलेखिकरण ५३ हुइल संयोजक बटैली ।

निशुल्क स्वास्थ्य विमा बनैना सहयोग १२ जाने, मानसिक समस्या रहल ३ जनहनहे निशुल्क औषधीके लाग सहजीकरण, कानूनी सहयोग ८ जाने, मनोपरामर्श सेवा ७५ जनहन ओ ५ ठो महिला स्वास्थ्य शिबिर संचालन हुइल बा ।

ओस्टेक करके विपद क्षेत्र आगलागी ओ बाढमे राहत सहयोगफे कैगिल बा । नगद सहयोग पालिका भरके ६० गर्भवती सुत्केरी, एकल ओ अपांगता रहल महिला, कोभिडमे वडा नं ६,७ ओ ३ मे ११० जाने गर्भवती सुत्केरी महिला खाद्यान्न तथा सरसफाईके समाग्री सहयोग कैगिल रहे । पिपिई ८ सेत ओ प्याड ३४२ प्याकेट सहयोग कैगिल बा । परियोजनासे ३० जनहनहे इन्डक्शन चुल्हा ओ स्नेह केन्द्र संचालन २ ठो संचालन करल जिल्ला संयोजक बटैली ।

कार्यक्रममे कैलारी गाउँपालिकाके अध्यक्ष राजसमझ चौधरी परियोजनासे महिला हिंसा न्यूनिकरण, महिला सशक्तीकरण, जिविकोपार्जनमे ढेर सहयोग करल कहटी धन्यावाद व्यक्त करलै । कार्यक्रममे कैलारी गाउँपालिका वडा नम्बर १ वडा अध्यक्ष धोजहरिपाल बोहरा, वडा नम्बर २ के वडा अध्यक्ष विकास चौधरी, वडा नम्बर ३ के वडा अध्यक्ष सन्तराम चौधरी, वडा नम्बर ४ के वडा अध्यक्ष ठागुराम चौधरी, वडा नम्बर ५ के वडा अध्यक्ष विष्णु प्रसाद चौधरी, वडा नम्बर ६ के वडा अध्यक्ष प्रेम बहादुर चौधरी, वडा नम्बर ७ के वडा अध्यक्ष दिपेन्द्र बम, वडा नम्बर ८ के वडा अध्यक्ष तारामल कठरिया, वडा नम्बर ९ के वडा अध्यक्ष खेमराज चौधरी, गाउँपालिकाके प्रमुख प्रशासकीय अधिकृत विरबहादुर ऐर, टमान शाखाके प्रमुख, कार्यपालिका सदस्य, ओरेके नेपाल कैलारी गाउँपालिका सहजकर्ता विष्णु रेग्मी, टमान महिला समुह, किशोरी संजालके सहभागिता रहल रहे । कार्यक्रमके संचालन कैलारी गाउँपालिकाके सामाजिक विकास शाखा प्रमुख यगम कलेल करल रहिट । यिहे विच ओरेक नेपालके जिल्ला संयोजक गीता चौधरी गाउँपालिका अध्यक्ष राजसमभ चौधरीहे प्रभावितदेखी परिवर्तनक संबाहक परियोजना हस्तान्तरण कैगिल बा ।